ଲାଲ ରଙ୍ଗର ମୋହ

ପ୍ରେମରେ ମୁଁ ସମର୍ପିଲି

ଲାଲ୍ ଗୋଲାପ,

ତୁମେ ପଚାରିଲ ଏଇଟା

ପ୍ରେମ ନା ବିଦ୍ରୋହ,

ମୁଁ କହିଲି

ଲାଲ୍ ରଙ୍ଗ,

ଗୋଟେ ସଧବାର ପ୍ରତୀକ

ଶଙ୍ଖା, ନାଲି ସିନ୍ଦୁର

ଆଉ ସମ୍ପର୍କର ମୋହ ।

ତୁମେ କହିଲ

ନା, ବୋଧହୁଏ ଏହା

ଯୁଦ୍ଧ, ରକ୍ତପାତ

ହିଂସା, କିମ୍ବା ଆସନ୍ନ ବିପଦ 

ମୁଁ କହିଲି 

ବାସ୍ ବାସ୍

ଲାଲ୍ ରଙ୍ଗ,

ଦୁଇ ବିପରୀତ ହୃଦୟର ଆକର୍ଷଣ,

ବନ୍ଧନ ଦୁଇଟି ମନର ।

ଆଉ ଦେଖ 

ସେ କଳା ମୁହଁରେ

ଲାଲ୍ ଅଧରର ହସ,

ତା ପତିତ ପାବନ ନେତ

ଜଗତ ଜନଙ୍କ ଆଶା,ବିଶ୍ୱାସ ।

ଲାଲ୍ ରଙ୍ଗ କେବଳ

କାନଭାସରେ ନୁହେଁ,

ଜୀବନରେ ବି ଭରିଦିଏ

ପ୍ରେମର ଗଜଲ ।

ଲାଲ୍ ରଙ୍ଗର ମୋହରେ 

ଏବେ ମୁଁ 

ସାଧବବୋହୂର ଲାଲ୍ ପାଟ ପରି

ପରସ୍ତେ ଲାଲ୍ ରଙ୍ଗରେ 

ଲିପିଦେବ ମୋ ଆପଦମସ୍ତକ

ଜୀବନର ଅନ୍ତିମ ଦୃଶରେ।

ମୁଁ ପରା ଲାଲ୍ ରଙ୍ଗର 

ମୋହରେ ମୋହଗ୍ରସ୍ତ ।