ଲାଖିଗଲା ଏଇ ମନ
ଲାଖିଗଲା ଏଇ ମନ
ଏ ଶ୍ୟାମ ସୁନ୍ଦର କିମିଆ କରିଛି
ସେଇଦିନ ଠାରୁ ସଖି ,
ଯୋଉଦିନ ଠାରୁ ତାଆରି ଉପରେ
ପଡ଼ି ଯାଇଛି ମୋ ଆଖି ।
ଲୁଟି ନେଇଛି ସେ ସକଳ ଭାବନା
କେଉଁଠି ଲାଗେନା ମନ ,
ଏକାଗ୍ର ଚିତ୍ତରେ କୃଷ୍ଣ କଥା ଭାଳି
ସାରୁଅଛି ରାତି ଦିନ ।
କିଏ କି କହିଲା-କାହାର କି ଗଲା
ସେଥିରେ ନ ଜଡ଼େ ଚିତ୍ତ ,
ସହଜରେ ବୁଝି ପାରେନା ମୁଁ ସଖି-
କିଏ ମୋ ଭଗାରୀ-ମିତ !!
ସବୁକିଛି ମୋତେ ଦିଶେ କୃଷ୍ଣମୟ
ନାହିଁ ହିତାହିତ ଜ୍ଞାନ ,
କଲା କି କୁହୁକ,ତାଆରି ପ୍ରେମରେ
ଲାଖିଗଲା ଏଇ ମନ ।