କୁନି ରଥେ ଆସ ଠାକୁରେ
କୁନି ରଥେ ଆସ ଠାକୁରେ
ମୋ କୁନି ରଥେ ଆସ ଠାକୁରେ
ଗଡ଼ାଇ ଦିଅ ଗଡ଼ାଇ ଦିଅ
ରଥ ଚାଲୁ ପଥରେ
କରି ନାହିଁ ଧ୍ୟାନ
ନାହିଁ ମୋର ଜ୍ଞାନ
ପୁଜବିଧି ଜାଣି ନାହିଁ
ମୁଁ ଅଟେ ଅଜ୍ଞାନ
ମୋ କୁନି ହାତରେ
ସଜାଇଛି ରଥରେ
ଶକତି ଦିଅ ଶକତି ଦିଅ
ଟାଣିବାକୁ ଥରେ
ଦେଖି ନ ପାରିବି ନନ୍ଦିଘୋଷକୁ
ଚଢି ନ ପାରିବି ତୁମ ରଥକୁ
ମୋ କୁନି ପାଟିରେ ଡାକୁଛି ଶ୍ରଦ୍ଧାରେ
ଦେଖାଇ ଦିଅ ଦେଖାଇ ଦିଅ
ତୁମ ରୂପ ଥରେ
ହାତ ଧରିଥାଅ. କେବେ ଛାଡି ନ ଦିଅ
ବାଟବଣା ହେବି କାଳେ ବାଟ ଦେଖାଅ
ମୋ କୁନି ଆଖିରେ ତୁମରି ପାଖରେ
ଦେଖାଇ ଦିଅ ଦେଖାଇ ଦିଅ
ତୁମ ଯାତ୍ରା ଥରେ