କୁନାର ବଗିଚା

କୁନାଟି ଆମର ଛୋଟ ପିଲା ସିନା

ବୁଦ୍ଧିରେ ତାହାକୁ ନୁହେଁ କେ ସରି

ଘରେ କରିଛି ସେ ଛୋଟ ବଗିଚାଟେ

କିସମ କିସମର ଫୁଲ ଗଛରେ ଭରି।

ସାନ ବଡ଼ ହୋଇ ଅନେକ କିସମ

ଫୁଲଗଛଟି ଦିଶେ ଅତି ମନୋରମ

ସକାଳ ହେଲେ ଫୁଲ ଚାଙ୍ଗଡ଼ା ଭରି

କୁନା ତୋଳି ଆଣେ ଯତନ କରି।

ପ୍ରତିଦିନ ଦୁଇବେଳା ପାଣି ଦିଏ ଯାଇ

ଗଛ ମୂଳରେ ଖତ ଔଷଧ ଦେଇ

ବଗିଚା ସାରା ଶୁଖିଲା ପତ୍ର ଗୋଟାଇ

ଏକାଠି କରି ଦିଏ ନିଆଁ ଲଗାଇ।

ଖରା ଛୁଟି ହେଲେ ସାଙ୍ଗସାଥୀ ମେଳେ

ବଗିଚାରେ ବସି ତାଙ୍କ ସଙ୍ଗେ ଖେଳେ

ଶୀତ ଦିନେ ଛୋଟ ଭୋଜି ଆୟୋଜନ

ସଭିଏଁ ଖେଳନ୍ତି ହୋଇ ଖୁସି ମନ।