କୁମାର ପୂର୍ଣ୍ଣମି ଜହ୍ନ
କୁମାର ପୂର୍ଣ୍ଣମି ଜହ୍ନ
କୁମାର ପୂର୍ଣ୍ଣମି ଜହ୍ନ ଗୋ - ଫୁଲ ବଉଳବେଣୀ ।
ଋପା ଥାଳିପରି ଆକାଶରେ ଆଜି
ବଡ ଜହ୍ନଟେ ପଡିଛି ଗୋ - ଫୁଲ ବଉଳବେଣୀ ।
ଗାଁର ଦାଣ୍ଡତ ଜହ୍ନ ଆଲୋକରେ
ଆଲୋକିତ ଯେହ୍ନେ ଦିନ ଗୋ- ଫୁଲ ବଉଳବେଣୀ ।
ଜହ୍ନ ଆଲୋକ ରେ ରାତି ଅଧେ କୃଷ୍ଣ
ଫୁଲ ତୋଳନ୍ତିତ ଆସି ଗୋ - ଫୁଲ ବଉଳବେଣୀ ।
ରାଧାରାଣୀ ମାନ କରିଛନ୍ତି ବୋଲି
କୃଷ୍ଣ ମନାଇବା ପାଇଁ ଗୋ - ଫୁଲ ବଉଳବେଣୀ ।
ଫୁଲ ଚାଙ୍ଗୁଡିରେ ଭରି ଶ୍ବେତପୁଷ୍ପ
କୃଷ୍ଣ ଗୁନ୍ଥନ୍ତି ଗଜରା ଗୋ ଫୁଲ ବଉଳବେଣୀ ।
ରାଧାରାଣୀଙ୍କର ମାନ ଭାଙ୍ଗିବାକୁ
ଗଜରା ହାର ବାନ୍ଧନ୍ତି ଗୋ - ଫୁଲ ବଉଳବେଣୀ ।
ମୁକୁଳା କେଶରେ ଗଜରା ବାନ୍ଧି କି
କରନ୍ତି ଡାଲିଆ ଖୋଷା ଗୋ - ଫୁଲ ବଉଳବେଣୀ
।
ରାଧିକା ମୁହଁକୁ ଭିଡିଆଣି କୃଷ୍ଣ
ସ୍ନେହ ଦିଅନ୍ତି ଚୁମ୍ବନ ଗୋ - ଫୁଲ ବଉଳବେଣୀ ।
ସରମରେ ରାଧା ମୁହଁକୁ ଲୁଚାଇ
ପଣତ ଢାଙ୍କି ଦିଅନ୍ତି ଗୋ - ଫୁଲ ବଉଳବେଣୀ ।
ରାଧାରାଣୀ ସଖି ଖୋଜି ଖୋଜି ଆସି
କୃଷ୍ଣ କୁ ଠେଲି ଦିଅନ୍ତି ଗୋ - ଫୁଲ ବଉଳବେଣୀ ।
ଆଖି ଛଳ ଛଳ କରି ରାଧାରାଣୀ
କୃଷ୍ଣ ଙ୍କୁ ହାତ ଯୋଡନ୍ତି ଗୋ - ଫୁଲ ବଉଳବେଣୀ ।
କୃଷ୍ଣ ପ୍ରେମ ଅଧା ରାଧାରାଣୀ ପାଖେ
ମିଛ ନୁହେଁ ଏହା ସତ ଗୋ - ଫୁଲ ବଉଳବେଣୀ ।
କୃଷ୍ଣ ଭଗବାନ ଦୁଃଖ ପାଇଥିଲେ
ଆମେ ତ ଛାର ମନୁଷ୍ୟ ଗୋ - ଫୁଲ ବଉଳବେଣୀ ।
ଦୁଃଖ ସୁଖ ସବୁ ସମାନ ଭାବରେ
ଆମ ଜୀବନରେ ଆସେ ଗୋ - ଫୁଲ ବଉଳବେଣୀ ।
ଆସ ସହି ଆସ ସାଙ୍ଗ ମାନେ ମୋର
ପୁଚି ଖେଳରେ ମାତିବା ଗୋ - ଫୁଲ ବଉଳବେଣୀ ।
ବେଙ୍ଗ ବାହାଘର କରିଦେବା ଆଜି
ବହୁତ ମଜା ଲାଗିବ ଗୋ - ଫୁଲ ବଉଳବେଣୀ ।
ପାଳ ଭୂତ କାହୁଁ ମାଡି ଆସିଲାଣି
ଡର ନାହିଁ କେହି ତୁମେ ଗୋ - ଫୁଲ ବଉଳବେଣୀ ।
ପାଳ ଭୂତ ଏଇ ବରଷକେ ଥରେ
ପାଳରେ ଆସି ଡରାନ୍ତି ଗୋ - ଫୁଲ ବଉଳବେଣୀ ।
ଆଜିକାଲି ଆଉ କୁମାରୀ ଖେଳୁନି
କୁମାର ପୂର୍ଣ୍ଣମି ଜହ୍ନ ଗୋ - ଫୁଲ ବଉଳବେଣୀ ।
ଚନ୍ଦ୍ରର ଆଲୋକ ବିଜୁଳି ଲୁଚାଇ
ଭଣ୍ଡୁର କରୁଛି ସବୁ ଗୋ - ଫୁଲ ବଉଳବେଣୀ । ଶୀତଳ ଆଲୋକ ଜହ୍ନ ଦେବତାଙ୍କ
କେହି ଆଉ ଖୋଜୁ ନାହିଁ ଗୋ - ଫୁଲ ବଉଳବେଣୀ ।
ବିଜୁଳି ଆଲୋକ କୃତ୍ରିମ ଆଲୋକ
ଆମ ପାଇଁ ହେଲା ଭଲ ଗୋ - ଫୁଲ ବଉଳବେଣୀ ।
ଘରେ ଘରେ ଥଣ୍ଡା ଥର୍ମୋ କୁଲରତ
ଜହ୍ନକୁ ହଜାଇ ଦେଲା ଗୋ - ଫୁଲ ବଉଳବେଣୀ ।
କୁମାର ପୂର୍ଣ୍ଣମି ଜହ୍ନ ଗୋ - ଫୁଲ ବଉଳବେଣୀ ।
ଏଇଠି ସମାପ୍ତ କଲି ଗୋ - ଫୁଲ ବଉଳବେଣୀ ।