କଠୋର ହେଲେ ବି ସତ
କଠୋର ହେଲେ ବି ସତ
ଜୀବନ ନୁହେଁ କୁସୁମିତ
କଣ୍ଟା ଭରା ପଥ
କିଛି ପାଦ କିଛି ହୃଦୟ ଚିରିବ
କଣ୍ଟାର ଆଘାତ ସହି ସହି ବନ୍ଧୁ
ଚାଲିବାକୁ ହେବ ଚାଲିବାକୁ ହେବ।
ଆଶା ନୁହଁ ବାସ୍ନା
ନିଃଶ୍ୱାସେ ମିଶିବ
କିଛି କଳା ଧୂଆଁ କିଛି ଯେ ଅଙ୍ଗାର
ଅଧୁରା ଆଶାକୁ ଚାହିଁ ଚାହିଁ ବନ୍ଧୁ
ବଞ୍ଚିବାକୁ ହେବ ବଞ୍ଚିବାକୁ ହେବ।
ସ୍ୱପ୍ନ ନୁହେଁ ରଙ୍ଗ
ସବୁଦିନ ଥିବ
କିଛି ରଙ୍ଗ ଥିବ କିଛି ଫିକା ହେବ
କଳାରେ ଧଳାରେ ଜୀବନ ଛୁଟିବ
ଚାଲିବାକୁ ହେବ ଚାଲିବାକୁ ହେବ।
ଆଜି ଯେ ବିଶ୍ୱାସୀ
କାଲି ସେ ଘାତକ
ଘୃଣା ଭରା ତୀର କମାଣ ଲଂଘିବ
କିଛି ପୁରା କିଛି ଅଧା ମାରିଦେବ
ମରିବାକୁ ହେବ ମରିବାକୁ ହେବ।
ଏବେ ଯେ ଜୀବନ୍ତ
କ୍ଷଣେ ମଡ଼ା ହେବ
ତୁମ ଅପେକ୍ଷାର ଅନ୍ତ ଦିନେ ହେବ
କିଏ କାନ୍ଧ କିଏ ନିଆଁ ଦେଇଯିବ
ଜଳିବାକୁ ହେବ ଜଳିବାକୁ ହେବ।
ଏତିକି ଗୁହାରି ମୋର ଅନ୍ତକାଳେ
ଆଖି ମୋର ଖୋଲା ରଖିଥିବ
ଦେଖିବାକୁ ଚାହେଁ ଏ ବେନି ନୟନ
କିଏ ଆପଣାର କିଏ ବେଇମାନ।