କ୍ଷତାକ୍ତ ପ୍ରେମ

ପ୍ରେମ ପରିଣତି ହୋଇଛି କ୍ଷତାକ୍ତ

ଦୁଃଖ ଶୋକେ ସନ୍ତ।ପିତ

ଭଲ ପାଇ ପରେ ସାରା ଜୀବନ ରେ

ଅନୁତାପ ପ୍ରାୟଶ୍ଚିତ ।

କରି କରି ନିତି ଦିନ ଯାଏ ବିତି

ନ ଲଭେ କ୍ଷଣେ ତୃପତି

ଆଜିର ସମାଜେ ଦୁଃଖ ଦାହ ନିତ୍ୟେ

ସହି ସହି ଦୁଃଖୀ ଅତି ।

ପ୍ରେମ ପ୍ରଣୟର ମଧୁଝରା ଝର

କାହିଁ ଆଉ ଆଜି ନାହିଁ 

ସବୁ କଳୁଷିତ ପ୍ରେମ ଯେ ଦୂଷିତ

ପ୍ରତାରଣା ଚାହିଁ ଚାହିଁ ।

ସବୁ ହୋଇ ଅତି ଉତ୍କଟ ପ୍ରଶାନ୍ତି 

ଘେନିଛି ଏବେ ମେଲାଣି

ପ୍ରେମ ତ କ୍ଷତାକ୍ତ ପ୍ରଣୟ ଦୂଷିତ

ସ୍ବଭାବ ସାଜି ଗଲାଣି ।

ଆହା ଏ ସଂସାର ଲାଗେ ଭୟଙ୍କର

ସୌନ୍ଦର୍ୟ୍ଯ ତୃପତି ଅବା

କାହିଁ ନାହିଁ କିଛି ସବୁ ଡରାଉଚି

ଧରିଣ କଦର୍ଯ୍ୟ ଆଭା ।