କୃଷ୍ଣ କବରୀ

ତମ କୃଷ୍ଣ କବରୀର 

ଗୋଲାପ ପାଖୁଡ଼ା 

ମତୁଆଲା କରେ ମତେ ।

ସୁଗନ୍ଧରେ ତା'ର 

ମହକି ଉଠୁଛି

ମୋ ପ୍ରେମ ଗମ୍ଭିରୀ ଭିତରେ 

ସାଇତା ସ୍ଥାନ ଯେତେ ।

ଚିର ଇପ୍ଷିତ 

ଚିର ଆକାଂକ୍ଷିତ

ତମେ ମୋ ସ୍ୱପ୍ନର ରାଜଜେମା ।

ରୋମାଞ୍ଚିତ ମନ

ନିବିଡ ସମ୍ପର୍କ

ତମେ ପୁଣି ମୋର 

କଳ୍ପନାର ଅପ୍ସରା ।

ହୃଦୟରେ ମୋର

ସାଇତା ହୋଇଛି 

ତମ ଦେହର ସେଇ ତାତି ।

ପ୍ରେମ ପ୍ରଣୟରେ ଭରା

ମୋ ଦେହର ସେଇ

ଉଷ୍ମ ଅନୁଭବ ଏବେ ବି

କରେ ମୋତେ ଆନମନା ।

ଆଜି ବି ମୋ ମନ

ଭିଜିବାକୁ ଚାହେଁ

ତୁମ ପ୍ରେମଉଚ୍ଛ୍ୱାସେ 

କ୍ଷଣିକ ପରଶ ପାଇ ।

ମେଣ୍ଟିଯିବ ଆଶା

ବହୁ ଦିନ ତୃଷ୍ଣା 

ସାନିଧ୍ୟ ତୁମର ପାଇ ।