କୃଷକ ଜୀବନଅକ୍ଷୟ କୁମାର ବେହେରା
କୃଷକ ଜୀବନଅକ୍ଷୟ କୁମାର ବେହେରା
ଚାଷିକୁଳେ ପରା ଜନମ ମୋହର
କୃଷି ଅଟେ ମୋର ବୃତ୍ତି,
ଖଟିଖଟି ପଛେ ପ୍ରାଣ ଚାଲିଯିବ
ରହିବନି ଯଶ କୀର୍ତ୍ତି ।
କୃଷକର ଏଇ ଗତି...
ଜୀବନଟା ସାରା ଅନ୍ନ ଯୋଗାଡ଼ରେ
ବିତିଯାଏ ଦିନ ରାତି ।
ଜୟ ଜବାନ ଓ ଜୟ କିଷାନର
ଦେଉଥାନ୍ତି ସିନା ନାରା,
ଯୁଆଡ଼େ ଚାହିଁଲେ କୃଷକର କାହିଁ
ଦିଶେନି କୂଳ କିନାରା ।
ହାଏ ! କୃଷକ ବିଚରା...
ଦେଶ ହିତ ପାଇଁ କର୍ମ କରୁ ସିନା
ନାହିଁ କେ ଆମ ସାହାରା ।
କର୍ମମୟ ଏଇ ଜୀବନ ଜଞ୍ଜାଳେ
ବଞ୍ଚିବାକୁ ଭାରି କଷ୍ଟ,
ଯଦି କେଉଁ ବର୍ଷ ପଡ଼ିଲେ ମରୁଡ଼ି
ଫସଲ ହୁଅଇ ନଷ୍ଟ ।
ସାହା ଏକା ସେହି ଇଷ୍ଟ...
ତଥାପି ନିଜକୁ ଧନ୍ୟ ମଣେ ମୁହିଁ
କୃଷକ ଜୀବନ ଶ୍ରେଷ୍ଠ ।
କେନ୍ଦୁଡ଼ିହା ବଡ଼ସାହି ମୟୂରଭଞ୍ଜ
ଭ୍ରାମ୍ୟଭାଷ:-୯୩୪୮୮୧୯୯୧୭