କୃଷକ ଦିବସ ଅନୁଚିନ୍ତା
କୃଷକ ଦିବସ ଅନୁଚିନ୍ତା
ବର୍ଷ ବର୍ଷ ଖାଇ ଖାଇ ପ୍ରକୃତି ପାହାର l
କୃଷକଭାଈ ଯୋଗାଏ ସଂସାର ଆହାର ll
ଖରା,ଵର୍ଷା,ଶୀତ ଖାଇ ପାହାନ୍ତି କାକର l
ଚଷା ଲାଗି ଥାଏ ଚାଷ ଜୀବିକା ମାତର ll
ବନ୍ୟା,ବାତ୍ୟା,ମରୁଡ଼ି ତା ଚିର ସହଚର l
ଦାଉ ସାଧି ଭାଙ୍ଗି ଦିଏ ଅଣ୍ଟାକୁ ତାହାର ll
ଚଷା ଭାଈର ତାହାକୁ ନ ଥାଇ ଖାତର l
ଅଣ୍ଟା ଭିଡ଼ି ଛିଡ଼ା ହୁଏ କର୍ମରେ ତତ୍ପର ll
ଇନ୍ଦ୍ର ରାଜା କୃପା କଲେ ଆନନ୍ଦ ଚଷାର l
କୋପରୁ ଉପାସ ତାର ସମସ୍ତ ସଂସାର ll
ଦଶ ଗୁଣା ସୁଧ କଷି ନିଏ ସାହୁକାର l
କୃଷକ ମରୁ ଵା ବଞ୍ଚୁ କି ଯାଏ ତାହାର ll
ଅସହ୍ୟ ହୁଅଇ ଯହୁଁ ଚାଷୀ ଋଣ ଭାର l
ଆତ୍ମହତ୍ୟା ଏକମାତ୍ର ପନ୍ଥା ଅଟେ ତାର ll
କୃଷି ପ୍ରଧାନ ଏ ଦେଶ ଭାରତ ଆମର l
ସତୁରି ଶତାଂଶ ଆୟ କୃଷିରୁ ତାହାର ll
ଅବସ୍ଥା ଦେଖ ହେ ଭାଈ ଚାଷୀ ବିଚରାର l
ଶୋଷକ ତାହାର ବ୍ୟବସାୟୀ ସାହୁକାର ll
ବ୍ୟବସାୟ ଅଧା କୃଷି ଶାସ୍ତ୍ରରେ ବିଚାର l
କିନ୍ତୁ ସର୍ବେ ଦେଖ କୃଷକର ହାହାକାର ll
କୃଷକ ଦିବସେ ଚିନ୍ତ ହିତ କୃଷକର l
କୃଷକ ମରିଲେ ବୁଡ଼ିଯିବ ଏ ସଂସାର ll
କୃଷିର ଉନ୍ନତି ଚିନ୍ତା, କୃଷକ କଲ୍ୟାଣ l
ଆତ୍ମହତ୍ୟା ନକରନ୍ତୁ ଆଉ ଚାଷୀଗଣ ll