ଅନ୍ ଲାଇନ ଆସର
ଅନ୍ ଲାଇନ ଆସର
ଭଲାରେ କରୋନା ଭଲା
ସାରା ଦୁନିଆର ରଙ୍ଗଢଙ୍ଗ ସବୁ
ତୋଲାଗି ବଦଳି ଗଲା ।
ପୂଜା ପାର୍ବଣରେ କଟକଣା ହେଲା
ସଭା ସମାହୋର ମନା
ସେଥିପାଇଁ ଏବେ ଅନ୍ ଲାଇନରେ
ହେଉଛି ଆସର ଅନା ।
ସାହିତ୍ୟ ସଭା ଠୁ କବିତା ଆବୃତ୍ତି
ବହିପତ୍ର ଉନ୍ମୋଚନ
ଜୁମ୍ ମିଟ୍ ଅବା ଗୁଗୁଲ ମିଟ୍ ରେ
ଚାଲୁଅଛି ରାତିଦିନ ।
ସଭିଏ ରୁହନ୍ତି ସଭିଙ୍କ ଜାଗାରେ
ହେଉଥାଏ ଏଣେ ସଭା
ଦୂର ପାଖ କିଛି ଜଣାପଡେ ନାହିଁ
ଭାବିଲେ ଲାଗଇ କାବା ।
ମଞ୍ଚ ସଜେଇବା ଦୀପ ଜଳାଇବା
ଫୁଲମାଳ ପିନ୍ଧାଇବା
କିଛି ଏବେ ଆଉ ଦରକାର ନାହିଁ
ଲୋଡା ତ ନେଟ୍ ସେବା ।
ମୋବାଇଲ ଆଉ ନେଟ୍ ସୁବିଧା
ପାଖରେ ରହିଛି ଯାର
ସହଜରେ ସିଏ ଜମାଇ ପାରିବ
ଅନ୍ ଲାଇନ ରେ ଆସର ।
ପଇସା ଟିଏ ବି ଖରଚ ହେବନି
ଏମିତି ଆସର କଲେ
ସାରା ଦୁନିଆ କୁ ଯୋଡି ପାରବତ
ଯେତେବେଳେ ମନ ହେଲେ ।