କୃଷକ ଭାଇ

କୃଷକ ଭାଇରେ କୃଷକ ଭାଇ

କେତେ ଦୁଃଖ ସହୁ ଆମରି ପାଇଁ,

ଦେଶ ବାସୀଙ୍କୁ ଖାଦ୍ୟ ଦେବା ପାଇଁ

ମାଟି ସାଥେ ରଣ କରୁଛୁ ତୁହି l

ଲଙ୍ଗଳ ମୂନେ ଟାଙ୍ଗରା ଭୂଇଁକୁ

ସଶ୍ୟଶ୍ୟାମଳା ସଦା ତୁ କରୁଛୁ,

ତୋହରି ବଳେ ଖାଦ୍ୟ ଖାଇ ଆମେ

ଅତି ଖୁସି ମନରେ ଯେ ଚଳୁଛୁ l

ଆମ ଏ ଦେଶରେ କୃଷକ ସଂଖ୍ୟା

ଶହେ ଭାଗରୁ  ସତୁରୀ  ଅଟନ୍ତି,

ମୁଣ୍ଡର ଝାଳକୁ ତୁଣ୍ଡରେ ମାରି

କଠୋର ପରିଶ୍ରମ ଯେ କରନ୍ତି l

ତୋହରି ଦ୍ରବ୍ୟକୁ ରପ୍ତାନି କରି

ଆମ ଦେଶ  ଆଜି  ସମୃଦ୍ଧିଶାଳୀ,

ବାହ୍ୟ ଦେଶ ସହ ମିତ୍ରତା ସ୍ଥାପି

ନାନା ଶସ୍ୟକୁ  ସେ  ଦେଉଛି ଢାଳି l

ଦଇବ ଲେଖିଛି କପାଳେ  ତlର

ଯେତେକ  ଅଛି  ସଂସାରର  ଦୁଃଖ,

ଅଭାବ ଅନାଟନ ଲାଗି  ରହିଥାଏ

 ଛାଡି  ନି କେବେ  ତାର ପାଖ l

ଆମକୁ ଦେଉଛି ସେ ସଜ ଖାଦ୍ୟ

ଖାଉଛି ସବୁବେଳେ ସେ  ପୋଚକା,

ଶାନ୍ତିରେ ମୁଠେ ଖାଇବା ପାଇଁକି

ସମୟ ନଥାଏ ତାର ବଳକା l

କୃଷକ ଭାଇରେ କୃଷକ ଭାଇ

ଧନ୍ୟ ତୋର ସେବା ଧନ୍ୟ ତୁହି

ଧନ୍ୟ ତୋ ବଳିଦାନ ଏ ସଂସାରେ

ତୋ ସେବାକୁ ଭୁଲି  ପାରିବୁ ନାହିଁ ।