କରୋନା ଯୁଦ୍ଧ

ଏକ ଅସମ୍ଭବ ନୀରବତା ମୋ ଦେଶରେ ଏବେ 

ମହାମାରୀ କରୋନା ଆସିଲା ଯେବେ |

ନିଜେ ପରିଷ୍କାର ରହିବା ଆଉ ଅନ୍ୟକୁ ଉପଦେଶ ଦେବା ର ସମୟ 

ଆଉ ହେବାକୁ ଦେବାନି ଏହାକୁ ବିରାଟକାୟ |

ବର୍ତ୍ତମାନ ୨୧ ଦିନ, ଗୃହ ବନ୍ଦୀ ର ସମୟ 

ରଖିବାକୁ ହେବ, ଆମ ସାହସ ଆଉ ଥୟ |

କୁରୁକ୍ଷେତ୍ର ଧର୍ମକ୍ଷେତ୍ର ପାଣ୍ଡବ ଜିତିଥିଲେ ୧୮ ଦିନରେ 

ଆମକୁ ଜିତିବାକୁ ହେବ ଏହି ଯୁଦ୍ଧ ୨୧ ଦିନରେ |

ବାହାରେ ବୁଲୁଛି ଏବେ କରୋନା ର ଦାନବ 

ତେଣୁ ବାହାରେ ସୁରକ୍ଷିତ ନୁହେଁ ଏ ମାନବ |

ମୋର ପ୍ରିୟ ର ସଂସାର ରହିଛି ଘରେ 

ତେବେ କାହିଁକି ଗୋଡ ଦେବି ମୁଁ ଘର ବାହାରେ |

ମୁଁ ଚାହୁଁଛି ମୋ ଜୀବନ କୁ ବୁଝିବି 

ସତ୍ୟ କୁ ଆହୁରି ସାମ୍ନା ମୁଁ କରିବି |

ମୋ ଘରେ ମୁଁ ରହିବି 

ଜୀବନ ର ଏହି ସଂଘର୍ଷ ରେ ଜିତିଵି 

ପୁଣି ସମସ୍ତ ପରିଜନ ସଂଗେ ମୁଁ ମିଶିବି |