କରୋନା ମୁହଁରେ ଚୁନ

ସାରା ଦିନ ଯେବେ କାମ କର୍ଯ୍ୟେ ଯାଏ

ବୁଲିବାକୁ ହୁଏ ଇଛା

ଅପରାହ୍ନ ବେଳା ଉତ୍ତମ ଲାଗଇ

ବଜାର ହେଉ କି ତୁଛା ।

ମାନସିକ ଶାନ୍ତି ବାଢୁ ଥାଏ ତୃପ୍ତି

ଘରକୁ ସାମଗ୍ରୀ କିଣି

ସମୟ ଟିକିଏ କାଟିବା ପାଇଁକି

ବିଳମ୍ବଟା ଜାଣି ଶୁଣି ।

ସବୁ କିଛି ଆଜି ବଦଳି ଯାଇଛି

କରୋନା ମେଲିଛି ଡେଣା

ବ୍ୟତିକ୍ରମ ହେଲେ ପ୍ରାଣ ନରହିବ

ଚୋବାଇବ ଲୁହା ଚଣା ।

ଅନଲାଇନ୍ କୁ ସୁବିଧା ଭାବିଲେ

ଆଜିର ଯୁବକ ପିଢ଼ି

ଘରେ ଥାଇ ସବୁ ପଦାର୍ଥ କିଣିଲେ

ଟେଲିଫୋନ ତାରେ ଭିଡ଼ି ।

ନିମିଷକ ମଧ୍ୟେ ମନର ପସନ୍ଦ

ଦୁଆରେ ହାଜର ହୁଏ

ସାରା ମାସ ପାଇଁ ସାଇତି ରଖିଲେ

କରୋନା କାହିଁକି ଛୁଏଁ ।