କର୍ମଫଳ

ରାମ, ରହିମ୍, ଆଲ୍ଲା, ଯୀଶୁ

ଯେ କେହି ବା ହୁଅନ୍ତୁ ତୁମ ଆରାଧ୍ୟ ଭଗବାନ

ଯେତେ କର ଆରାଧନା, ପୂଜା ବା ଅର୍ଚ୍ଚନା,

ତୁମର ଏ କର୍ମଫଳରୁ ନିସ୍ତାର ନାହିଁ। 

ଏ ତୋଫାନର ରଚୟିତା ସେ ସ୍ୱୟଂ

ଏ ଅନ୍ଧାର ପରେ ଆଲୋକର ବି ଜନ୍ମଦାତା ସେ ସ୍ୱୟଂ

ଏ ଯନ୍ତ୍ରଣା ହିଁ ଏ ସଂସାରର ବର୍ତ୍ତମାନର ଆଵଶ୍ୟକତା

ଆଖିରେ ଅଶ୍ରୁ ଓ ହୃଦୟରେ ବେଦନା ନେଇ

ତୁମର ଆରାଧ୍ୟ ବି ଏ ଦୁର୍ଦଶାର ସହଭାଗୀ ଓ ସାକ୍ଷୀ। 

ପ୍ରତୀକ୍ଷାରେ ବସିରହ, ସତ୍ୟ ଓ ଧର୍ମର ମାଟିକୁ କାମୁଡ଼ି

ପାହିଯିବ ଏ ଅମାରାତି ହସିବ ଅରୁଣ

ଶାନ୍ତିର ଆଲୋକେ ପୁଣି ହସିବ ଏ ଧରା 

ସେ ବି ହସୁଥିବେ ଆଖିରେ ଆନନ୍ଦାଶ୍ରୁ ଝାରି।