ଲାଇବ୍ରେରୀ
ପ୍ରୋଫାଇଲ୍
କର୍ମ ଫଳ
କର୍ମ ଫଳ
1 min
134
କର୍ମ ଘେନି ଫଳ ଅବଶ୍ୟ ଭୁଞ୍ଜିବ
ବାଛ ବିଚାରତ ନାହିଁ
ଅପକର୍ମ କଲେ ଖସି ଯିବ ନାହିଁ
ବାଟେ ଜଗିଅଛି ସେହି ।।
କପଟ କରିବା ତାଙ୍କ ପାଶେ ନାହିଁ
ପର ଆପଣାର କହି
ଦଣ୍ଡ ଭୋଗ ତାଙ୍କ ଅବଶ୍ୟ ମିଳିବ
ଖସି ଯିବେ ନାହିଁ କେହି ।।
ଗର୍ବ କର ନାହିଁ ଯାହା ଅଛି ପାଶେ
କାଲି ସେ ଦୂରେଇ ଯିବ
କର୍ମ ଫଳ ତୋର ନିଶ୍ଚୟ ଭୋଗିବୁ
ନୀୟମ ତା'ପାଖେ ଥିବ ।।
ଜୀବନ ଆପଣା ନୁହେଁ ଚିରସ୍ଥାୟୀ
ସମସ୍ତେ ଦିନେ ହଜିବେ
କେଉଁଠିକୁ ଯାଇ କିପରି ରହିବେ
କେହି କିଛି ନ ଜାଣିବେ ।।
ସୁଖ ଦୁଃଖ ପରି ଦୁଇଟି ଚକରେ
କରୁଅଛୁ ତୁହି ଗତି
ପହିଆକୁ ତୋର ସନ୍ତୁଳନ କଲେ
ମନରେ ନଥିବ ଭୀତି ।।
ଜୀବନ ନୀୟମ କବାଡିର ଖେଳ
ଟାଣିଥାଏ କିଏ ଗୋଡ଼
ବିଶ୍ୱାସ ଜୀବନେ ବହୁ ମୂଲ୍ୟବାନ
ରଖିବ ତାକୁ ନିବିଡ଼ ।।
