କରିବୁ ଅନୁକରଣ

ଖାଲି ବଡ ବଡ ଭାଷଣ ଦେବା

କହିବା ଆସ ଆସ ଗଛ ଲଗାଇବା ।

ଏ ସୃଷ୍ଟି ଧ୍ୱଂସମୁଖୀ ଗତି କରୁଛି

ବଞ୍ଚାଇବା ଧର୍ମ ଆମର ତ ଅଛି ।

ଆମ ସୁନ୍ଦର ପରିବେଶ ରହିଲେ

ଆମେ ଧରାକୁ ସୁନ୍ଦର କରି ସଜାଇଲେ ।

ଏକ ସବୁଜ ପ୍ରକୃତି ଗଢି ପାରିବା

ଅମ୍ଲଜାନ ଅଭାବକୁ ରୋକି ପାରିବା ।

ଗଛ ଲଗାଇବା ଅଟେ ପୁଣ୍ୟର କାମ

ପରିବେଶ ସ୍ଵଛ ରଖିବା ସବୁଠୁ ବଡ ଧର୍ମ ।

ପରିବେଶର ସ୍ୱଛତା କୁହ କିଏ ଜାଣିନି

କୁହଇ ସମସ୍ତ ଶାସ୍ତ୍ରଜ୍ଞା, ଜ୍ଞାନୀ ଓ ବିଜ୍ଞାନୀ ।

ପଡୁନି ଏହାର ପ୍ରଭାବ ମଣିଷେ କିଆଁ

ଜଂଗଲ ଧ୍ୱଂସ ଚାଲିଛି, ଏ କଅଣ ନୂଆ ।

ଛୋଟଦିନୁ ଆମେ ସଦା ଶିଖି ଚାଲିଛେ

ଭାଷଣକାରୀର କର୍ମ ଓଲଟା ଦେଖିଛେ ।

ଛୋଟ ଶିଶୁ ସଦା ଶିଖଇ ଯାହା ଦେଖଇ

ଚାରିପାଖର ମଣିଷର କର୍ମକୁ ଅନୁକରଣ କରଇ ।

ହେ ନୂଆ ରାଷ୍ଟ୍ରପତି, ଘେନ ଅଭିବାଦନ, 

ଆପଣଂକ କର୍ମକୁ ଆମେ କରିବୁ ଅନୁକରଣ ।