Library
Profile
କପାଳ ଲିଖନ
କପାଳ ଲିଖନ
1 min
10
କପାଳ ଲିଖନ ମାନିବାକୁ ହେବ
ବିଧିର ବିଧାନ ଯାହା
ନିଜର ଯେତିକି ସାମର୍ଥ୍ୟ ରହିଛି
ଚଳିବା ତ ଆମ ରାହା।
ଯାହାକୁ ଯେମିତି ଗଢିଛି ଦଇବ
ସେତିକି ହିଁ ଆମ ପ୍ରାପ୍ୟ
ଅଧିକା ଅଧିକା ମନ ବଳାଇଲେ
ସେ ସବୁ ହେବ ଦୁଷ୍ପ୍ରାପ୍ୟ।
ଉତ୍କୋଚ ଦେଇକି ଗଢି ହେବ ନାହିଁ
କାହା ଭାଗ୍ୟ କଦାଚନ
Advertisement
;
କର୍ମର ପଥରେ ମିଳିବ ପ୍ରେରଣା
କାଳିଆ ସାଆନ୍ତ ଦାନ।
କର୍ମ ବଦଳାଏ ନିଜର ଭାଗ୍ୟକୁ
ବିଶ୍ୱାସେ ମିଳନ୍ତି ହରି
ନିଜ ପ୍ରତି ସଦା ଭରସା ରଖିଲେ
ପଙ୍ଗୁ ଲଂଘିଥାଏ ଗିରି।
ଅଳିକ ସପନ ଅଳିକ କଳ୍ପନା
ଦେଇ ତ ନଥାଏ କିଛି
ସତ କର୍ମ ଫଳ କେତେ ଯେ ମହାନ
ପ୍ରଭୁ ଦେଇଥାନ୍ତି ବାଛି।
