କୋଟି ପୁଣ୍ୟ ଫଳ ପାଇ

 

ସମଗ୍ର ଶରୀରେ  ବିଭୁତି ଲେପନ

     ପରିଧାନ ବ୍ୟାଘ୍ର ଛାଲ,

ଗୋଟିଏ ହସ୍ତରେ  ଶୋଭିତ ଡମ୍ବରୁ

     ଅନ୍ୟ ହାତରେ ତ୍ରିଶୂଳ ।

ଶ୍ମଶାନେ ମନ୍ଦିରେ  ଅବା କୈଳାସ ରେ

     ସଦାବେଳେ ଧ୍ୟାନ ଭଗ୍ନ ,

ଶୟନେ ସପନେ   ଅବା ଜାଗରଣେ

      ଭକ୍ତଙ୍କ କଲ୍ଯାଣେ ଧ୍ୟାନ ।

ଲଲାଟରେ ସ୍ଥିତ    ତୃତୀୟ ନୟନ

      ନାମ ତବ ତ୍ରିଲୋଚନ,

ତାଣ୍ଡବ ନୃତ୍ୟରେ   ରୂପ ନଟରାଜ

       ରୁଦ୍ରାକ୍ଷ ତବ ଭୁଷଣ ।

ମସ୍ତକେ ଶୋଭିତ    ଚନ୍ଦ୍ରମା ଜାହ୍ନବୀ

        ଗ୍ରୀବାରେ ଧାରଣ ଅହି

ମାନସ ପଟରେ  ଆସିଲେ ସେ ଦୃଶ୍ଯ

       ଚକ୍ଷୁ ଲାଗି ଥିବ ରହି ।

       ସର୍ବ ପାପ ନାଶ ଯାଇ ।

       କୋଟି ପୁଣ୍ୟ ଫଳ ପାଇ।