କୋଟି ପ୍ରଣାମ

ଜୀବନର ପ୍ରତି ରକ୍ତ କଣିକାରେ

ଅଛି ତ ଯାହାର ଦାନ,

ତା ଅମୃତ ପାନେ ଏଡେଠୁ ଏଡେଟେ

ହୋଇଛି ଆଜି ମୁଁ ଜାଣ,

ସେ ମୋ ମାଆ ମୁଁ ତାହାର ତ

ଅଟେ ସୁଯୋଗ୍ୟ ସନ୍ତାନ

ଯାହା ନାହିଁ ଏଇ ମରତ ଧାମରେ

ଅଛି ଏହି ଭାରତରେ,

ସୁଜଳା ସୁଫଳା ଶସ୍ୟ ଶ୍ୟାମଳା

ଆମ ଭାରତ ଭୂଇଁରେ,

କଳକଳକଳ ସ୍ଵଛ ନିର୍ମଳ

ଝରଣା ଝରି ଯାଏରେ

ହିମାଳୟ ଅଛି ମୁକୁଟରେ ତାର

ଗଙ୍ଗା ର ତିନି ଧାର,

ସଭିଙ୍କୁ ଏକାଠି ବାନ୍ଧି ରଖିଛି

ସ୍ନେହ ଶ୍ରଦ୍ଧା ବନ୍ଧନର

ଅମୂଲ୍ୟ ସମ୍ପଦ କରିଛି ଦାନ ସେ

ତା ଜୀବନ ତମାମ

ମୋ ମାଆ ଭାରତୀକୁ

କରେ କୋଟି ପ୍ରଣାମ

ସେହି ଭାରତୀକୁ କୋଟି ପ୍ରଣାମ

କୋଟି ପ୍ରଣାମ