କୋରୋନା
କୋରୋନା
ଉଇଁବି ଉଇଁବି ହେଉଛି ତପନ
ବାକି ଅଛି ଆଉ ଅଳପ ରାତି
ଧର୍ଯ୍ୟ ହରା ଆଉ ହୁଅନା ଏମିତି
ହାତ ଯୋଡି ମୁଁ ଯେ କରେ ମିନତୀ
କିଛି କ୍ଷଣ ପରେ ମଥାରୁ ଆମର
ଟଳିଯିବ ନିଶ୍ଚେ ଏଇ ବିପଦ
ଫେରି ଆସିବ ସେ ସୁଖର ଦିନ ଯେ
ମନେ ରହିବନି କିଛି ବି ଖେଦ
ଭାଙ୍ଗିଯିବା ନାହିଁ ବିପଦକୁ ଡରି
ଈଶ୍ୱରଙ୍କ ଠାରେ ରଖିବା ମତି
ବିଶ୍ୱାସରେ ବିଶ୍ୱ ଚଳମାନ ପରା
ଜଳାଇ ରଖ ହେ ଆଶାର ବତୀ
ଆମରି ହିତରେ ସରକାର ଯଦି
ତିଆରିଛି କିଛି ନୀତି ନିୟମ
ସେଇ ନିୟମକୁ ପାଳନ କରିବା
ମିଥ୍ୟା କଥା ଶୁଣି ନହୋଇ ଭ୍ରମ
ଘରୁ ଯେବେ ତୁମେ ନବାହାରି ପଦାକୁ
ସୁଖ ଦୁଃଖ ନେଇ ଚଳେଇ ଦେବ
କୋରାନା ଭୁତାଣୁ ଆପେ ହାରିଯାଇ
ଆମ ଦେଶ ଛାଡି ପଳେଇ ଯିବ