କୋହର ଯାତ୍ରା

କିଛି କୋହ ଲୁହ ଧାରେ

ଲୁଚିବା ପାଇଁ ଚେଷ୍ଟା କରୁଛନ୍ତି

ସାବଧାନତା ସହ ।

ଆଖିରୁ ଝରି ସେମାନେ

ଓଠରେ ମିଳେଇ ଯାଉଛନ୍ତି

ସହଜ ଭାବରେ ।

ବିଶ୍ୱାସ ଅବିଶ୍ୱାସର ସବୁଠି

ଫନ୍ଦିଫିକର ମଧ୍ୟରେ ମର୍ମାହତ

କେଇ ଫୁଞ୍ଜା ଶବ୍ଦ ।

କୂଳ କିନାରା ପାଉନଥିବା

ମଣିଷ ଅଣନିଶ୍ଵାସୀ ହେଲେଣି

ଜନ ସମୁଦ୍ରରେ ।

ତୁହାକୁ ତୁହା ଘୋଷଣା ଚାଲିଛି

ନିଜକୁ ସୁରକ୍ଷିତ ରଖିବାପାଇଁ

ଘୂର୍ଣ୍ଣିଝଡ ପ୍ରକୋପରୁ ।

ଅବିଶ୍ରାନ୍ତ ବର୍ଷା ମଧ୍ୟରେ

ହଜିବାକୁ ଚେଷ୍ଟା କରୁଛି ସେ

କେଉଁ ଏକ ହୃଦୟରେ ।