ନୂଆଁଖାଇ ଜୁହାର୍
ନୂଆଁଖାଇ ଜୁହାର୍
ଇନର୍ ମାଏଟ୍ ପାଏନ୍ ପବନ୍
ଆମର୍ ତ ଆଏ ଜୀବନ୍
ପନତ୍ ଛଏରା ଥାପି ରଖ୍ ମାଁ
ନୂଆଁଖାଇ ଦିନ ପଶୁଛେଁ ତୋର ଶରନ୍ ।।
ମନ ଖୁଲିକରି କହିଦେ ତୁଇ
ଆମେ ସଭେ ବୁହେନ୍ ଭାଇ
ମୁଡ଼ିଆ ମାରୁଛେଁ ତୋର ପାହାତଲେ
ପରଦେଶୁଁ ଅଏଲେନ ମୋର ଦଦା ଭାଇ।।
ମହ ମହ ହେଇ ମହକି ଗଲାନ
ଗାଁ ଖୁଏଲ୍ ପରା ପାଟ୍
ଭାବ୍ ପୀରତି ଉଛଲି ଉଡ଼ୁଛେ
ଚାଲଲାନ ଜୁହାର୍ ଭେଟ୍ ଘାଟ୍ ।।
ନୂଆଁ ଧାନ୍ କେ ନୂଆଁ ମନ୍
ସପନ୍ ଧରିଛେ ଧାର୍
ନୂଆଁଖାଇ ଆମର୍ ଶିଘା ପରବ୍
ସମକୁ ମୋର ନୂଆଁଖାଇ ଜୁହାର୍ ।।