କୋହ

ମୁଁ କେବେ ଘୃଣା କରେନି 

ତୁମ ଅବୁଝାପଣର ଆସ୍ଫାଳନ 

କି ତୁମର ପ୍ରତାରଣାକୁ

ଭଲପାଇବାର ଆପଣାପଣର

ନିବିଡ଼ତାରେ ଇଛାକରେ

ଆଉଟିକେ ଆପଣେଇ ନେବାକୁ 

ଯାହାସବୁ ଘଟିଥିବା ଭୁଲ୍ ବୁଝାମଣା  

ସନ୍ଦେହ ଓ ସନ୍ଦିହାନରେ

କଟିଥିବା ମୂହୁର୍ତ୍ତ ମାନେ ଏଇ ଦେଖ

କେମିତି ଚୁପଚାପ କଥା କହନ୍ତି 

ବାଡ଼ିରେ ପ୍ରଜାପତି ମହୁମାଛି ର 

ପିରତି,ଫୁଲରେ ତୋରଣ ମହକି

ଯାଉଛି ଘର ଅଗଣାରେ ।

ଅଜାଣତରେ ପାଦ ଥାପି କେହିଜଣେ 

ଆସିବାର ଅନ୍ୟମନସ୍କତା 

ଡେଇଁ ଡେଇଁ ଯାଏ ରାତିପରେ ଦିନ

ସବୁବେଳେ ସମୟଟା କହୁଥାଏ

ତୁ କାହିଁକି ଏମିତି ବିବ୍ରତ 

କେହିଜଣେ ତତେ ତ ଠିକ୍ ବୁଝିଛି !!!