କଳଙ୍କିନୀର ଆନନ୍ଦାଶ୍ରୁ

ଆଖିରେ ଆଖିଏ ସପନ ଭରି

ସିନ୍ଦୂର ନାଇ ସାଜି ସୀମନ୍ତିନୀ 

ମଥାରେ ଟାଣି ନାଲି ଓଢଣୀ

ଶାଶୁଘର ଗଲା ନଇଁ ନଇଁ 

ଦି ଚାରି ମାସରେ ସପନ ଭାଙ୍ଗିଲା

ଜୀବନ ଆକାଶେ ଅମା ଅନ୍ଧକାର 

ନିଜ ମଣିଷଟି ର ଅତ୍ଯାଚାର

ସହି ସହି ରେବ ହୋଇଲା ପଥଳ

ଏବେ ସେ ପଥର ଠୁ ଆହୁରି ଟାଣ

ସତେ ଅବା ବଜ୍ର ସମାନ

ଏବେ ସେ ମା 'ଦୁଇ ପିଲାଙ୍କର

ପିଲାଙ୍କ ଓଠରେ ଦାନା ଦେବାକୁ

ଘରୁ ଗୋଡ କାଢିଲା ଦାଣ୍ଡକୁ

ମୂଲପାତି କରି ମେଣ୍ଟାଇଲା ଗୁଜୁରାଣ 

ସମାଜରୁ ପାଇଲା ଆଖ୍ଯା କଳଙ୍କିନୀର 

କହୁ ସମାଜ କଳଙ୍କିନୀ ତାର ନାହଁ 

କ୍ଷୋଭ କି ନାହିଁ ଗ୍ଳାନି 

ପିଲା ମୁହଁରେ ଆହାର ଦେବାକୁ 

ମାଆ ଛଡା କିଏ ବା ଆଉ 

ପିନ୍ଧିପାରେ କଳଙ୍କିନୀର ଟୀକା

ସେ ଟିକା ଆଜି ତାର ବିଜୟର ଗାଥା

ଝିଅ ତା ଶିକ୍ଷୟିତ୍ରୀ ପୁଅ ଯନ୍ତ୍ରୀ

କଳଙ୍କିନୀ ଆଖ୍ଯା ଦେଇଥିବା

ସମାଜ  ଆଜି ପୁରା ଚୁପ୍‌ଚାପ୍ 

ରେବ ଆଖିରେ ଆନନ୍ଦ ଲୋତକ ।