କିଶୋର କିଶୋରୀ

କିଶୋର କିଶୋରୀ ସମ୍ଭାବନା ଛବି 

   ଭବିତବ୍ୟ କ୍ରାନ୍ତିକାରୀ , 

ଅଶେଷ ବିଭବ କର ସମର୍ପଣ 

  ପ୍ରେମ ସୁଧାନିଧି ବାରି ॥ 

ଦେଶ ମାତୃକାର ଉଜ୍ଜଳ ନକ୍ଷତ୍ର 

   ଚିନ୍ତାକଳ୍ପ ମହାଜ୍ୟୋତି , 

ସୁସ୍ଥ ପରିବେଶ କର ସଂଗଠିତ 

    ବଢିବ ସମ୍ମାନ ଖ୍ଯାତି ॥ 

ଯୌବନା ସମ୍ପଦା କିଶୋରୀ ବୀଭବା 

     ଚପଳ କୋମଳ ମତି , 

ଶିକ୍ଷା ଆରୋହଣ ହେଉ ତବ ବ୍ରତ 

    ଅରଜିବ ଯଶକୀର୍ତ୍ତି ॥ 

ଚପଳ ବୟସେ ଚାଲ ହେ'ସୁପଥେ 

    କିଶୋର କିଶୋରୀ ମଣି , 

ଆଶା ଆକାଂକ୍ଷାରେ ପିତୃମାତୃ ବାରେ 

    ମନ କଥା ବୁଝ ଜାଣି ॥ 

ଆଦ୍ୟ ଯୌବନକୁ ସମ୍ମାନ ଦେବାକୁ 

     କରହେ' ସଂକଳ୍ପ ସର୍ବେ , 

ଯୌବନ ସମ୍ପଦ ପ୍ରଭୁ କୃତ ଦାନ 

    ଅଲୋଡା ନହେଉ ଭବେ ॥ 

ସୁନାପାତ୍ର ଦେଖି ପରଖିବ ଛବି 

     ବିଚାର ବିମର୍ଷ କରି , 

ସମାଜ ସ୍ଵିକୃତି ଆଖି ଆଗେ ରଖି 

   ପ୍ରେମକୁ ନେବ ଆବୋରି ॥ 

ଆଦ୍ୟ ଯୌବନର ସପନ ବିଶେଷ 

    ନିୟନ୍ତ୍ରଣାଧୀନ ନୁହେଁ , 

ଉଚ୍ଛୁଳା ଯୌବନ କରେ ଅଣାୟତ 

   ଶରୀର ବିଶେଷ ମୋହେ ॥ 

ଏକାଗ୍ରତା ଭାବ କରହେ ପୋଷଣ 

     ଯୌବନର ସୁନାପକ୍ଷୀ , 

ସଠିକ ସମୟେ ଉଡିବ ଆକାଶେ 

    ମନ ମୋହି ନବ ସଖୀ ॥ 

ପ୍ରେମେ ସଂଯମତା ମନରେ ସଦିଚ୍ଛା 

    ବିଦ୍ୟା ବୁଦ୍ଧି ସର୍ବୋତ୍ତମ , 

ଦେଶର ଗୌରବ କିଶୋର କିଶୋରୀ 

    ହେଜ ଯୌବନର ମର୍ମ ॥