କିଏ କୁକୁର

କଳି ବଚସାରେ ଲୋକେ କୁହନ୍ତି ମୁଖରେ

ମୁହିଁ ଯଦି ବୋପା ଛୁଆ ନେବି ବଦଲାରେ ।

ପାଳିବି କୁକୁର ଗୋଟି ତୋହରି ନାମରେ

ବିଶ୍ଵସ୍ଥ ହେଲେବି କୁକୁର ରୁହେ କୁଳ ନିଚରେ ।

ପୋଷାପଣେ କୁକୁରକୁ ଘରେ ରଖାଯାଏ

ଦାଣ୍ଡ ବାରଣ୍ଡା ତାପାଇଁ ବାସସ୍ଥାନ ଯୋଗାଏ ।

ଆଜିକାଲି ଶୋଉଛନ୍ତି କୁକୁର ବେଡ଼ରେ

ଜନ୍ମକଲା ପିତାମାତା ଛିଣ୍ଡା ମଶିଣାରେ ।

କୁକୁର ପାଇଁକି ଖଞ୍ଜା କ୍ଷୀର ମାଂସ ନିତି

ଓଷଦ ପାଇଁକି ବାପା କରନ୍ତି ମିନତି ।

କୁକୁର ଶୋଇଲେ ପାଶେ ମିଳଇ ଆନନ୍ଦ

ବାପାମାଆ ଦୂରେଥାନ୍ତୁ ହେଉଛନ୍ତି ଗନ୍ଧ ।

ଶାସ୍ତ୍ର କୁହେ ଜ୍ୱାଇଁ କୁତା ଶ୍ୱଶୁରଙ୍କ ଘରେ

ଭାଇ ସିନା କୁତା ସମ ଭଉଣୀର ଘରେ ।

କୁକୁର ପାଳଇ ଯିଏ କୁକୁର ସମାନ

କୁକୁରକୁ ବାଡେ଼ଇଲେ ହେବ ତାର ସମ ।

କାଳିକାଳ ବେଳ ଏତ ହୋଇଛିରେ ଭାଇ

ମଣିଷକୁ ମଣିଷଟେ ଗାନ୍ଧାଏ ଏଠେଇଁ ।

ଶୁଣ ସାଧୁଜନେ ଏତ କୁକୁର ଆଖ୍ୟାନ

ନର ରୂପି କୁକୁରକୁ ରୁହ ସାବଧାନ ।