କିଛି ପ୍ରେମୀ

କିଛି ପ୍ରେମୀ ପ୍ରେମ ପାଇଁ କେବେ କେହି

କାଟନ୍ତି ନିଜ ହସ୍ତକୁ ।

ପଚାରିଲେ ଉତ୍ତର ଦିଅନ୍ତି ଭାଇ

ପ୍ରେମକୁ ଯେ ପାଇବାକୁ ।।

ମନେ ପ୍ରଶ୍ନ ଆସେ କଣ ପ୍ରେମ ଥିଲା

କହି ହାତ କାଟିବାକୁ ।

ନା ଏ ବୃଥା ପାଗଳାମି ନା ନାଟକ

ଶରୀର କଷ୍ଟ ଦେବାକୁ ।।

ପ୍ରେମ ମାନେ ଯଦି ଯେ ଠିକ୍ ବୁଝିଛି

ପ୍ରେମକୁ ପାଖେ ଦେଖିଛି ।

ଦେଖ ଚିକିତ୍ସାଳୟେ ବୁନ୍ଦାଏ ରକ୍ତ

ଲାଗି ରୋଗୀ କାନ୍ଦୁଛି ।।

କାହିଁକି ନା ବୁନ୍ଦାଏ ରକ୍ତେ ହୁଏତ

ଜୀବନ ବଞ୍ଚି ଯାଆନ୍ତା । 

ଗୋଟେ ପରିବାର ଗୋଟିଏ ସଦସ୍ୟ

ମୃତ୍ୟୁରୁ ଫେରି ପାରନ୍ତା ।।

ହୁଏତ ରଚା ହୁଅନ୍ତା ନୂଆ ପ୍ରେମ 

ସମ୍ପର୍କର ଯେ କାହାଣୀ ।

ବସୁଦେବ କୁଟୁମ୍ବକମ୍ ପୁଥିବୀ

ପରିବାରର ଯେ ବାଣୀ ।।