କିଛି ମିଠା କିଛି ଖଟା
କିଛି ମିଠା କିଛି ଖଟା
ବୁଝିବାକୁ ଚେଷ୍ଟା କରି ଏବେ ବି ବୁଝି ତ ପାରୁନି
କେମିତି କାହିଁକି କେଜାଣି ଗଢି ଉଠିଲା
ଏହି ସମ୍ପର୍କର କିଛି ମିଠା କିଛି ଖଟା କଥା ସବୁ
ଯାହାର ସେହି ଅନୁଭୂତି ସ୍ମୃତିରେ ରହିଗଲା ।
ନୁହେଁ ସିଏ କେହି ଜଣାଶୁଣା ଅବା କେହି ଅତି ଆପଣାର
ନଥିଲା ବାନ୍ଧି ହୋଇ ସମ୍ପର୍କର ଡୋରରେ,
କିନ୍ତୁ ସେହି କିଛି ମିଠା କିଛି ଖଟା ଅନୁଭୂତି ସବୁ
ଭୁଲି ନାହିଁ କିଛି, ରହିଛି ସ୍ମୃତିରେ ।
କିଛି ରାଗ ଆଉ କିଛି କଟୁ ଶବ୍ଦ ଭରା କଥା
ଦେଉଥିଲା ଭାବ କିଛି ପରିଚିତ ଆତ୍ମୀୟତାର,
ଆଉ କିଛି ସ୍ନେହ ଭରା କିଛି ମିଠା କିଛି ଖଟା
କଥାରେ ଲୁଚି ଥିଲା ଆଦର ମମତାର ।
ଅଜାଣତରେ ଛାପି ହୋଇ ରହିଗଲା ସବୁ କିଛି ଏହି ସ୍ମୃତିରେ
ଭାବିଲେ କେତେ ପ୍ରଶ୍ନ ଉଠେ ମନରେ,
ପରିଚୟ ଖୋଜେ ସେହି କିଛି ମିଠା କିଛି ଖଟା ସମ୍ପର୍କର
ତଥାପି ବୁଝି ପାରେନା ସମୟର ଖେଳରେ ।
ଆଶ୍ଚର୍ଯ୍ୟ ଚକିତ ହୁଏ ଭାବି ଭାବି କେମିତି ଏପରି ହେଲା
ସ୍ୱଳ୍ପ ଦିନରେ ଏହି ଅଦୃଶ୍ୟ ସମ୍ପର୍କ,
ଜଣା ନାହିଁ ଏହି କିଛି ମିଠା କିଛି ଖଟା ଅର୍ଥ
ଅନୁଭୂତି ସ୍ମୃତି ସଙ୍ଗେ କରେ ତର୍କ ।