କିଛି କଥା ରହିଯାଏ

କିଛି କଥା ରହିଯାଏ

କହି ହୁଏ ନାହିଁ

ନ କହିଲେ କ'ଣ

ସତରେ ବୁଝି ହୁଏ ନାହିଁ!

କହିବି କହିବି ବୋଲି

କହିନି ତ କେବେ

ଚାପି ରଖିବାକୁ ମୋତେ 

ତୁମ ହୃଦୟ ସ୍ପନ୍ଦନରେ

ପଚାରିନି ବି କେବେ!

ସ୍ୱପ୍ନ ଟିଏ ତମେ ହେଇଯାଅ

ମୋ ଅବୁଝା ନିଦରେ,

ନାକେବେ ବି କହିଛି

ହାତ ଧରି ଚାଲିବକି ମୋ ସାଥିରେ

ଲମ୍ବା ଏଇ ଜୀବନ ରାସ୍ତାରେ ।

ନୀରବତା ବୁଝିଥିଲା ସମ୍ପର୍କ!

ତମେ କିନ୍ତୁ ଵୁଝି ଅବୁଝା ରହିଗଲ

କହିଥିଲେ ତମେ ବି କହି ପାରିଥା'ନ୍ତ

ଅମୀମାଂସିତ ରହିଗଲା ସବୁକିଛି

ସ୍ମୃତି ଟିଏ ହୋଇଗଲା ଯାହା

ସମ୍ପର୍କ ଅତୀତ ପୃଷ୍ଠା ରେ ।