ଖୁସି ରଙ୍ଗ

ଆତ୍ମା ମନ ପରାଣ

ସବୁ ଉଦବେଳିତ୍

ଶାନ୍ତିରେ ପ୍ରଫୁଲ୍ଲିତ

ହୃଦୟେ ପୁଲକ ଜାଗ୍ରତ

ଖୁସି ବୋଧହୁଏ କାରଣ

ଗୁଣୁଗୁଣୁ ଗାଈ ଗୀତ

ଭଲଲାଗେ ଖରା ବର୍ଷା ଶୀତ

ଲହଡ଼ି ଭଙ୍ଗୁଥାଏ ସ୍ଵ ହସ୍ତ

ଖୁସିର ବୋଧେ ଜାଗରଣ

ଉପହାର ଦିଏ ଖୁସି

ମାଆ କୋଳ ଦିଏ ବେଶି

ସ୍ନେହ ମମତା ଦେଲେ ପରସି

ଖୁସିର ସ୍ଵାଭାବିକ ବାତାବରଣ

ଅଂହ ତେଜି,ଲୋତକେ ଭିଜି

ମନୁଷ୍ୟତା ଉଠେ ଜାଗି

ଖୁସି ବାଣ୍ଟିବାକୁ ଯେ ରାଜି

ଖୁସି ବୋଧହୁଏ ସକାରଣ

ଶାନ୍ତି ନିଜ ଭିତରେ ଜାଣି

ପ୍ରୀତିର ଗଉଣୀ ଦେଲେ ବୁଣି

ମମତା ଆଣିପାରିଲେ ଛାଣି

ଖୁସି ଲାଗେ ସୁନେଲୀ ସକାଳ କିରଣ ।