ଖଟା ମିଠା
ଖଟା ମିଠା
ଆଣିବାକୁ ଗଲି ପରିବା
ହାଟରେ ଦେଖିଲି
ପୋଟଳ ବିଲାତି ଚଢା ଦାମ ଅଛି
କୁନ୍ଦୁରି ବେପାରୀ
ଗରଜି ଡାକୁଛି
କିଲୋକୁ ଦିଟଙ୍କା
ତାଜା ମାଲ ନିଅ ବଢିଆ ।
ଖରାଦିନ ପାଇଁ
କୁନ୍ଦୁରି ତ ଭଲ
କେଜିଏ ସେଥିରୁ ଦିଅତ
କହିଲା ମଉସା ମଧୁମେହ ପାଇଁ
ପଚାରିଲି ପୁଣି
ବିକିରି ହେଉନି କାହିଁକି?
ବେପାରୀ ଭାଇଟି
କହୁଥିଲା କାନ ପାଖରେ
ଜାଣିନାହାନ୍ତି କି ସାରେ
ଗରାଖ ନେବାକୁ ରାଜି ହୁଅନ୍ତିନି
ଖାଇଲେ କୁଆଡେ
ବୋକା ପଲଟିବେ
ତୁମକୁ ଦେବିମୁଁ
କେଜିକୁ କେଜିଏ ଫ୍ରିରେ ।