ଖୋଲା ଚିଠି….ଶ୍ରୀଜଗନ୍ନାଥଂକୁ

ତୁମ ଇଚ୍ଛା ବିନା ପତ୍ରଟି ହଲେନି

କିଆଁ ଦୋହଲିଲା ଭିତ୍ତିପ୍ରସ୍ତର  

ପ୍ରାଚୀନ ମନ୍ଦିର ଐତିହ ସୁରକ୍ଷା

ସଂରକ୍ଷଣ ପାଇଁ ମହାସମର । 

ପୂଜା ଉପଚାର ପ୍ରାର୍ଥନା ଭଜନ 

ପୁରୁଣା ହେଲାଣି ଠାକୁରେ ତୋର 

ଭକ୍ତଙ୍କ ପ୍ରକାର ଢଙ୍ଗ ବ୍ୟବହାର 

ଆଧୁନିକତା ଉନ୍ନତି ଜୋରସୋର ।

ବଡ ଠାକୁର ହେ ବଡ ଲୋକ ତୁମେ 

ଜଗତର ରଥ ହାତେ ତୁମର 

କଳ୍ପନା ଜଳ୍ପନା ଦ୍ୱନ୍ଦ୍ୱ ମଧ୍ୟେ ରହି 

ଦୃଢ ନିଷ୍ପତ୍ତିରେ ନାହିଁ ନଜର ।

ତୁମ ପରିକ୍ରମା ପ୍ରକଳ୍ପ କାମର 

ସମୀକ୍ଷା ସମାଧାନ ସକାଶେ

କେତେ ଆଶା ନେଇ ଭକ୍ତ ଯାଇଥିଲେ 

କରଯୋଡି ନ୍ୟାୟାଳୟର ପାଶେ ।

କେଉଁ ଆଧାରରେ ଅବା ଉଦ୍ଦେଶ୍ୟରେ

ପ୍ରର୍ଥନା ତାଙ୍କର କଲ ଖାରଜ 

ମନ ଭରିଲାନି ନ୍ୟସ୍ତସ୍ୱାର୍ଥ କହି

ଦଣ୍ଡ ଜୋରିମାନା ଓ ଲୋକଲାଜ ।

ରଥଟଣା ପାଇଁ ପୂର୍ବେ କେତେ ନାଟ

ତୁମ ଇଚ୍ଛା କଲ ତୁମେ ପୂରଣ  

ତୁମର ମନ୍ଦିର ତୁମରି ଐତିହ୍ୟ

ତୁମ ହାତେ ତାର ସୁରକ୍ଷା ଜାଣ ।

ମକ୍କା ମଦିନା ଭାଟିକାନ ସିଟି

ବିଶ୍ୱର ମହାନ ଦର୍ଶନ ସ୍ଥଳ

ତୁମ ଶ୍ରୀମନ୍ଦିର ଶ୍ରୀକ୍ଷେତ୍ର ତୁମର

ବିଶ୍ୱ ଦର୍ଶନର ମହାନ ସ୍ଥଳ ।

ତାହାର ସୁରକ୍ଷା ସଂରକ୍ଷଣ ଜିମା

ତୁମ ସମର୍ପିତ ହେ ମହାବାହୁ 

ଅକ୍ଷୟ ହେଉ ପୂଣ୍ୟ ଜଗତେ 

ଧର୍ମର ଜୟ ହେଉ 

ଧର୍ମର ଜୟ ହେଉ ।