ଖୋଜିବାର ଦୁଃଖ
ଖୋଜିବାର ଦୁଃଖ
1 min
552
ସମୟର ବିଜନ ବେଳାରେ
ଖୋଜୁଥିବା ମଣିଷ ହିଁ ହଜିଯାଏ
ଦୁଃଖ ସୁଖ ନକ୍ଷତ୍ର ଗହଳେ,
ପାଇବାର ମୋହ
ଆପଣେଇ ନେବାର କୋହ
ଢାଳୁଥାଏ ଅଶ୍ରୁଧାରା ।
ଅଦିନିଆ ଖୁସି
ଖୋଜିବାରେ ଯଥେଷ୍ଟ କଷ୍ଟ
'ଦୁନିଆ ମୋର, ମୁଁ ଦୁନିଆର'
କହିବା ଓ ଅନୁଭବ କରିବା ମଧ୍ୟରେ
ଭୂମିଠୁ ଭୂମା ଯାଏଁ ପାର୍ଥକ୍ୟ !
ଖୋଜିବା ଅପେକ୍ଷା
ପଥର ପାଲଟିଯିବାର ଖୁସି
ବୁଝିପାରେ ଅନ୍ତଃ ଓ ପରିବେଶ ସ୍ଥିତି !
ଫିକା ଫିକା ଦିନିକିଆ ଖୁସି
ଅନ୍ତଃ ଆବେଗ ଓ ଅନୁଭୂତି
ବାରମାସୀ ରଙ୍ଗୀନ ପ୍ରଜାପତି ।।