ଖୋଜେ କାରଣ

ଯେତ ମୁଁ ଅନ୍ତରେ ବାପାଙ୍କୁ ଝୁରୁଛି

କିଏ ବା କରିବେ ସେ ସ୍ଥାନ ପୂରଣ,

ଆଜିର ସମାଜେ ବାପା ଥିଲା ଝିଅ

ଜିତିଯାଏ କାହିଁ ଖୋଜେ କାରଣ।

କାହିଁକି ମୁଁ ହାରେ ମୁହଁକୁ ଲୁଚାଇ

ଫେରି ଆସେ ସବୁଠାରୁ,

କେଉଁ ଜନମର ପାପ ତ ଭୋଗୁଛି

ବାପା କଥା ଶୁଣି କୋହ ଆସେ ଅନ୍ତରୁ।

ବାପାଙ୍କ ପାଖରେ ଝିଅଙ୍କର ଅଳି

ବାହାହେଉ ଅବା ନ ବାହା ହେଉ,

ବାପା ବୁଝିଥାନ୍ତି ଝିଅ ମନକଥା

କାହାକୁ କହିବି ବାପା ହେ ଆଉ।

କେଉଁଠି ଦେଖିଲେ ବାପା ଆଉ ଝିଅ

ବସିଛନ୍ତି ଅବା ହୋଇଛନ୍ତି ଠିଆ,

ଧାର ଧାର ଲୁହ ଆଖିରୁ ମୋ ବହେ

ସେ ଝିଅକୁ ହୋଇଥାଅ ସଦା ସାହା।