କହ୍ନେଇ

ଦେବକୀ ନନ୍ଦନ ଯଶୋଦା ଜୀବନ

ବାସୁଦେବଙ୍କ ସୁନା ଶଙ୍ଖାଳି

ଯମୁନା ନଦୀରେ ପାରି କରି ପିତା

ଘେନିଗଲେ ସୁନାଥାଳି

ଅଜା ବାସୁଦେବ ଦିବ୍ୟାଦ୍ରଷ୍ଟା ଦେଖି

ମାରୁଥିଲେ କରତାଳି

ସପ୍ତଫେଣୀ ନାଗ ଫଣା ଟେକି କହେ

ଆସିଗଲେ ବନମାଳୀ 

ନନ୍ଦ କୋଳେ ଗୋବିନ୍ଦ ହସୁଥାନ୍ତି ବାଲୁତ

ଗୋପ ଗୋପାଳୁଣୀ ମିଳି

ଆହା ମୋ ନନ୍ଦ କୋଳେ ଗୋବିନ୍ଦ

ସ୍ବର୍ଗ ପାରିଜାତ ତୋଳି

ସର୍ବ ଦେବ ଦେବୀ ଆନନ୍ଦ ଅତି ମତି

ମରତେ କହ୍ନେଇ ଖେଳନ୍ତି ଦୋଳି

ଦେବକୀ ନନ୍ଦନ ଯଶୋଦା ପ୍ରାଣଧନ

ଦେଖାନ୍ତି କୁହୁକ ଭେଳିକି ଭଳି

ବାଲ୍ୟକାଳ ଯେତେ ଗୋପରେ ଦୁଲାଳ

 ଅବତରୀ ଅବତାରୀ ଗୋକୁଳି

ଆଗୁଆ ଜନମି କନ୍ୟା ଦୁହିତା ଦୁଇକୁଳ

ହିତା ସେ ବିଜୁଳି ବାଳୀ

ଦେବକୀ କର କଚାଡି କାନ୍ଦନ୍ତି ହା କୃଷ୍ଣ

କେଣେ ଗଲୁ ପୁତ୍ର ଭାଳି

ବୁଝାନ୍ତି ବାସୁଦେବ ଫେରିବ କହ୍ନେଇ

ଜଗନ୍ନାଥ ରୂପେ କଳି

ଗୁଣ୍ଡିଚା ରୂପରେ ମାଆକୁ ଦେଖିବାକୁ ଜଗା 

ନବଦିନବ୍ୟାପି ରଥରେ ଖେଳି ଖେଳି

ରଖ ମନେ ଆଶା ହୁଅନା ନିରାଶା କହ୍ନେଇ

ଆମର ଆସିବ ରଥରେ ଖେଳି ଦୋଳି

ନନ୍ଦ ଉଆସରେ ଆନନ୍ଦ ଭିତରେ ଗୋପବାସୀ

ଦେଉଥାନ୍ତି କରତାଳି ହୁଳହୁଳି 

କୃଷ୍ଣ ଜନ୍ମ ଦିନ ଜନ୍ମାଷ୍ଟମୀ ନାମେ ଦେଶବାସୀ

ବଜାଇ ପେଁକାଳୀ ମୃଦଙ୍ଗ କାହାଳୀ