କହିବ କି?

ସତ୍ୟ ପଥେ ଯଦି ବାଟ ଚାଲୁଥିଲେ

ଶୁଭ ଦିନେ ବାବୁ ହେବ ସଫଳ

କହିବ କି କାହିଁ ପାପୀ ଅପରାଧୀ

ଆଜି ଅନ୍ୟାୟରେ ଖେଳନ୍ତି ହୋଲିର ଖେଳ

ଧରମକୁ ଜଗି କାମ କରୁଥିଲେ

ଶୁଭ ଲଗନରେ ମିଳେ ସୁଫଳ

କହିବ କି କାହିଁ ନିରୀହ ନିର୍ଦୋଷୀ

ପାଏ ଫାଶୀ ଇଏ କି ମାୟାଜାଲ

ସିଧାସାଧା ହୋଇ ଜୀବନ ଜିଇଁଲେ

ଶୁଭ ସମୟରେ ମିଳେ ନିର୍ମାଲ୍ୟ

କହିବ କି କାହିଁ ଚୋର, ଡକାୟତ

ମଉଜ କରନ୍ତି ପିନ୍ଧି ସୁନାର ମାଳ

ନିଃସର୍ତ୍ତରେ ଯଦି ଭଲ ପାଇଥିବ

ଶୁଭ କାଳେ ନିଶ୍ଚେ ହେବ ସଫଳ

କହିବ କି କାହିଁ ସ୍ୱାର୍ଥ ପାଇଁ ଏଠି

ନିରୀହ ହୃଦୟ ହୁଅଇ ଫାଳ