କେନ୍ତା ବଂଚିବୁ

ମତେ ଛାଡି ଅଲଗା କାହାକେ 

ବିହା ହେଇ ଗଲେ ରେ ଧନ

ମୋର୍ କଥା ଭାଲି ଭାଲି 

ଦିନେ ନାଇଁ ଦିନେ ସିଓର ପସ୍ତାବୁ ।

ଆଘୋ ମତେ ହର୍ମିଶା ଖୁଜୁଥିଲୁ 

ଏଭେ କେଁ ହେଲା ଯେ ଭୁଲିଗଲୁ

ମୋର୍ କଥା ସୋର ପଡିଗଲେରେ

ତୋର ଆଖି ନୁ ପେନ ଝରାବୁ ।

ଆଘୋ କେତେ ବାହାନା କରି ତୁଇ

ମୋର୍ ପାସକେ ଆସୁଥିଲୁ ଧାଇଁ

ଏଭେ ମତେ ଦେଖି ଲୁକି ଦେସୁ ଯେରେ

କେନ୍ତା କରି ମତେ ପାସିରବୁ ।

କେତେନି କେତେ ଭଲ ପାଉଥିଲୁ

ମୋର୍ ହେମି ବଲି କହିଥିଲୁ

ମୋର୍ ଚେହେରା ଛନେ ନାଇଁ ଦେଖଲେ

ଏଭେ କେନ୍ତା ବଞ୍ଚି ପାରବୁ ।