କେମିତିକା ତମେ ନୂଆବଉ
କେମିତିକା ତମେ ନୂଆବଉ
କେମିତିକା ତମେ ନୂଆବଉ !
ଦିଅରଟା ତମ ଉପାସ ରହିଛି
ତମେ ଖାଉଅଛ ଗାଉଁ ଗାଉଁ ।।
କେମିତିକା ତମେ ନୂଆବଉ !
ନୂଆ ନୂଆ ଚିଜ ବାଙ୍କୁସେ ଆଣିଛ
ନ ଦେଖିଲେ ମନ ହାଉଁପାଉଁ ।।
କେମିତିକା ତମେ ନୂଆବଉ !
ଚାରିହାତ ମାପ ଓଢଣା ଟାଣିଛ
ଭୁଆଶୁଣି ପଣେ କେତେ ଭାଉ ।।
କେମିତିକା ତମେ ନୂଆବଉ !
ଭାଇଙ୍କ କାନରେ ଫୁସୁଫୁସୁ କୁହ
ଆମେ ପଚାରିଲେ କାଉଁ କାଉଁ ।।
କେମିତିକା ତମେ ନୂଆବଉ !
ପାଦ ଥାପି ଥାପି ବାଟ ଚାଲୁଅଛ
ସତେ କି ଓଡିଆ ଘର ବୋହୁ ।।
କେମିତିକା ତମେ ନୂଆବଉ !
ନୂଆ ନୂଆ ଭାରି ଲାଜେଇ ଯାଉଛ
ହୋଇଲେ ପୁରୁଣା ବଢେ ଭାଉ ।।
କେମିତିକା ତମେ ନୂଆବଉ !
ଭାଇନା ଆସିଲେ କହିଦେବି ସବୁ
ଶନିବାର ଟିକେ ଆସିଯାଉ ।।