ଲାଇବ୍ରେରୀ
ପ୍ରୋଫାଇଲ୍
କେମିତି ବଞ୍ଚିବି କୁହ
କେମିତି ବଞ୍ଚିବି କୁହ
1 min
297
ଦାରିଦ୍ର୍ୟର ଯେତେ ତାଡନ ପୀଡନ
ଭୋକିଲା ପେଟର ଯାତନା କଷଣ
ସହିଯାଏ ବାଧ୍ୟହୋଇ
ଭୋକ ସହି ସହି ପଥର ମୋ ଦେହ
ଭୋକିଲା ଲୋକକୁ ସୋହାଗ ସେନେହ
ତୁମେ ପାରନାହିଁ ଦେଇ I
ରକ୍ତ ପାଣିକରି ଦିନ ରାତି ଖଟେ
ତୁମକୁ ବସାଏ ସୁରମ୍ୟ ଉଆସେ
ଆଶା କରେନାହିଁ କିଛି
ଦୁଇଓଳି ଖାଲି ଦୁଇମୁଠା ଭାତ
ଯୋଗାଡି ପାରେନି ମୋର ଦୁଇହାତ
ବିଶ୍ରାମ ପାଇଁ ରାସ୍ତାକଡ ମୋର ଅଛି I
ପାଏନି ଔଷଧ ମୋ ରୋଗିଣା ମାଆ
ମୋ ପିଲା ଖୋଜନ୍ତି ଜୀଇଁବାର ରାହା
ଯେତେବେଳେ ମୁଁ ହତାସ ହେଇଛି
କେମିତି ବଞ୍ଚିବି ବାଟ ମୁଁ ଖୋଜୁଛି
ଆଖିକୋଣେ ମୋର
ଖାଲି ଅସରନ୍ତି ଲୁହ ଆଉ ଲୁହ
କେମିତି ବଞ୍ଚିବି କେହିହେଲେ ଥରେ କୁହ I
