କେଜାଣି କାହିଁକି

ଟିକେ ଦେଖି ଦେଇଥିଲା ସେ

ତେରଛା କରି

ଆଖିରେ ଅନେକ କିଛି କହି ଯାଇଥିଲା

ଧିରେ ଚୁପ୍ କରି ।

କଥାରେ କିଛି ନୁହେଁ

କିନ୍ତୁ ଅନେକ କଥା ଥିଲା

ତା ଆଖି ଦି ଟାରେ ସତେ

ଜୀବନ ମୃତ୍ୟୁର ଖେଳ ଚାଲିଥିଲା ।

ତ୍ରସ୍ତ ହରିଣୀ ସଦୃଶ

ଦୌଡ଼ି ସେ ଅବଶ ହୋଇ ପଡ଼ିଥିଲା

ସତେକି ମହାବଳ ବାଘ

ତା ପଛରେ ଗୋଡ଼ାଉଥିଲା ।

ଝର୍କା ଖୋଲା ଦେଖି

ସେ ଦୁଇହାତ ମେଲେଇ ଦେଇଥିଲା

ବଞ୍ଚାଇବାକୁ ସତେ ମୋତେ

ନୀରବ ମିନତି କରି ପକେଇଥିଲା ।

ଅଭୟ ଦେଇ ହାତ ଠାରି

ଭିତରକୁ ଧୀରେ ଡାକି ଦେଇଥିଲି

ପୁରୁଷ ଭିତର ମଣିଷଟାକୁ

ଥରେ ଯେପରି ଚିହ୍ନି ପାରିଥିଲି ।

କେଜାଣି କାହିଁକି ସେଦିନ

ପଶୁତ୍ଵ ବହୁତ୍ ଘୃଣା ଲାଗୁଥିଲା

ଆଦିମ ପିପାସା କବଳୁ

ମୁକୁଳି ଯିବାକୁ ଇଛା ହେଉଥିଲା.. ।