କେବେ ଯଦି ହୁଏ ଦେଖା

ସଖା କେବେ ଯଦି ହୁଏ ଦେଖା

ମନେପଡ଼ିବକି ଆମ ସେ ପ୍ରଥମ ଦେଖା

ନଈ ପଠାରେ ସଞ୍ଜ ନଇଁଲା ପରେ

କୁହୁ କୁହୁ ତାନେ ଗାଉଥିଲା କୋଇଲି

ନିରୋଳା ମୁହୂର୍ତ୍ତ ଶୀତର ସନ୍ତପ୍ତ କାଳେ

ସୁନେଲି ସକାଳେ ସୂର୍ଯ୍ୟ ଉଦୟ ବେଳେ

ଭାଗ୍ୟରେ ଯା ଲେଖା ନେଇଥିଲେ ଦୀକ୍ଷା

ସେଵା ଧର୍ମ କର୍ମେ ସାଥିରେ ବୁଲାଇ ଚରଖା

ଦୁଇ ପକ୍ଷ ପରେ ପୁନେଇଁ ରାତିରେ

କଥା ଥିଲା ହେବ ପୁଣି ଦେଖା

ମନର ମୟୂରୀ ଆଜି ଗୀତ ଗାଇ

କହେ ସେ ସେଇ ଚିତ୍ରଲେଖା ସୁଲେଖା

 ଅଧା ସାଧା ସିଧା ରାଧା ଅଭିମାନ ବୁଝ ସଖା

କରନାହିଁ ଅଣଦେଖା ନକର ଭାଗ୍ୟରେଖା

ଫେରିଆସ ସଖା ଜୀବନେ ଆଉଥରେ ଦିଅ ଦେଖା

ଯମୁନା ଉଛୁଳୁ ନଈଟିଏ ସିଏ

 ପିନ୍ଧି କୁହୁକିନୀ ବୁର୍ଖା

ପଞ୍ଚମ ତାନରେ ରାଗ ଓ ରାଗିଣୀ କୁହୁ ପରି ଡକା

ଆଜିବି ସାଜିଛି ଚକୋରୀ ମୟୂରୀ ନଦିଅ ପଛେ ଦେଖା

କେବେ ହେବ ଦେଖା ତୁମ ପ୍ରୀତିଲେଖା

ନିଜେ ଲେଖୁଛି ନିଜ ଅଭିଲେଖ ଲେଖା

ଭରସା ବିଶ୍ୱାସ ରହିଛି ନୀଳକଇଁ ପରି

ଜହ୍ନ ସାଥେ ହେବ ଦିନେ ଦେଖା

କଥାରେ ଚାତୁରୀ ଭିତରେ ମହୁରୀ

କା ନାମେ ବାଜୁଛି ଦେଖା

ଅଭିସନ୍ଧି ନାହିଁ କିଛି ମାଗେନା ତୁମ ସୁଲେଖା

ପ୍ରୀତିପର୍ଣ୍ଣା ବୋଲି କହିଦିଅ ଆଉଥରେ

ଫେରିଯିବି ସଖା ।।