କଚେରି

ଜଗତ ନାଥଙ୍କ ସାହାଣ ମେଲା 

ଶ୍ରୀକ୍ଷେତ୍ର ପୁରୀରେ ଦୁଆର ଖୋଲା 

କଚେରି ଭଲା 

ବିଚାରକ ପ୍ରଭୁ ଶ୍ରୀ ଚକା ଡୋଳା।

ଧନୀ ମାନି ଗୁଣି ଗରିବ ଜନ 

ହାରିଲେ ଶେଷରେ ଲଗାଇ ମନ 

ଜଗା ଭରଷା,

ହାତ ଟେକି ଆଶା କୃପା ବରଷା।

ଧନ ସମ୍ପତ୍ତିରେ କୁବେର ପରି 

କୋଳକୁ ସନ୍ତାନ ନପାରେ ଧରି 

ଗୁହାରି ଅତି 

ପୂଜା ଆରଚନା ମାଗେ ସୁଗତି।

କାର ପୁତ୍ର କନ୍ୟା ବିପଥ ଗାମୀ 

ଠକ୍, ଟାଉଟର ଚୋର ହାରାମି 

ସରବ ଦଶା,

ଶେଷରେ ଜଗାକୁ ରଖି ଭରଷା।

ପରିଶ୍ରମ ମୂଲ୍ୟ ନାହିଁ ହତାଶ 

ବିପଦ ଉପରେ ପରି ବତାସ 

ଶେଷକୁ ଜଗା 

ବିଚାର ପତିଙ୍କ ହାତରେ ପଘା।

ଭୋକ ଉପାସରେ ଭିକାରୀ ପରି 

ଘର ଘର ବୁଲି ଭୋକକୁ ଧରି 

ମିଲେନି ଦାନା,

ଭରସା ପତିତପାବନ ବାନା।

ଜଗତର ନାଥ ବିଚାର ପତି 

ଭକତ ଆରତ ଶୁଣନ୍ତି ନିତି 

ଆଶା ଭରଷା,

ସବୁରି ଭରଷା ଜଗା ପରଷା।

ଦିନ ରାତି ସଦା ତା ଦ୍ଵାର ମେଲା 

କଳିରେ କାଳିଆ କରୁଛି ଖେଳା 

ପାପୀ କି ତପି 

ତରିବା ସଂସାର ସାଗରେ ଜପି।