ଲାଇବ୍ରେରୀ
ପ୍ରୋଫାଇଲ୍
କବିତାୟନ-29 : ଜୀବନ :
କବିତାୟନ-29 : ଜୀବନ :
1 min
254
ଜୀବନ ନାମକ ଟିକେଟ ମିଳିଛି ଦୁନିଆ ଦେଖିବା ପାଇଁ,
ସେହି ଟିକେଟରେ ସଂସାର ଦେଖିବା ନିଜେ ଅଭିନେତା ହୋଇ |
ସୁଖ ସ୍ଵାଚ୍ଛନ୍ଦ୍ୟରେ ଚଳିବାକୁ ଲୋଡ଼ା ମୂଲ୍ୟବାନ ଚିଜ-ଧନ,
ଆନନ୍ଦ ମିଳିବ ମାଗଣାରେ ସିନା ସରଳ ରଖିଲେ ମନ |
ସ୍ୱପ୍ନକୁ ବାସ୍ତବ କରିଦେବା ପାଇଁ ଲାଗିଯାଏ ବର୍ଷବର୍ଷ,
ମଞ୍ଜିକୁ ଲଗାଇ ଫଳ ପାଇବାକୁ ଲାଗିଯାଏ କେତେମାସ |
ସତ୍ୟରକ୍ଷା ପାଇଁ କେତେ ତ୍ୟାଗ ଆଉ କଷ୍ଟ ଥାଏ ସହିବାକୁ,
ପ୍ରେମରକ୍ଷା ପାଇଁ ସମଗ୍ର ଜୀବନ ପଡ଼ିଥାଏ ଲଢ଼ିବାକୁ |
ନିଷ୍ଠାର ସହିତ ପରିଶ୍ରମ କରି ହାରିଯାଉଁ କେବେକେବେ,
ଅଜାଣତେ ଦିନେ ସଫଳତା ତାଲା କେହି ଜଣେ ଖୋଲିଦେବେ |
