କବିତା

କବିତା ଗୋ ତୁମେ,,,,,,, 

   ଆତ୍ମାର ଆହ୍ୱାନ 

    ହୃଦୟ ସ୍ପନ୍ଦନ 

       କଳ୍ପନାର ପ୍ରତିଲିପି 

ମୋ ପ୍ରାଣ  ବଲ୍ଲରୀ 

   ଭାବନା ମଞ୍ଜରୀ 

        ମଧୁଝରା ଶିଳାଲିପି l

ଭାବ ଉନ୍ମାଦିନୀ 

     ଶବ୍ଦ ସଂଯୋଜିନୀ 

       ହୃଦୟ ଗଗନ ଶୋଭା, 

ଦୀପ୍ତି ମୟ ତୁମେ 

   ମନ ସିନ୍ଧୁ ତୀରେ 

      ଶତ ପ୍ରଭାକର ଆଭା l

ଉଆଁସୀ ରାତି ର 

   ପୁନେଇଁ ଜହ୍ନ ଗୋ 

      ମଧୁଲଗ୍ନା ମଧୁ ଜ୍ୟୋତ୍ସ୍ନା, 

ନୀଳ ଆକାଶରେ 

   ଇନ୍ଦ୍ରଧନୁ ରଙ୍ଗେ 

       ପ୍ରୀତି ଝରା ମୃଗତୃଷ୍ଣା l

ହୃଦ ସରୋବରେ 

   କୁମୁଦିନୀ ସାଜି 

      ତରଙ୍ଗରେ ଢଳ ଢଳ 

ଉପମାଳାଙ୍କରେ 

   ସୁସଜ୍ଜିତ ସଦା 

      ପ୍ରଣୟ ରସ କଲ୍ଲୋଳ l

ଦଗ୍ଧ ହୃଦୟର 

   ହରି ଚନ୍ଦନ ଗୋ 

     ସୁବାସିତ ସୁଶୀତଳ 

ବ୍ୟଥା ବେଦନାର 

   ମାନସ ମନ୍ଥନେ 

        ପୂର୍ଣ୍ଣତୋୟା ଗଙ୍ଗାଜଳ l