କବିତା ପର୍ବ : ଗୀତି-କବିତା-22 : ଭୋକ : -ଡକ୍ଟର କୃତ୍ତିବାସ ନାୟକ

ଭୋକ ଶୋଷ ଭୁଲି ମୋର ନାମ ଧରି ପିଉଥିଲ ଦିନେ ବିଷ,

ମୋତେ ଦେଇଥିଲ ଅସରନ୍ତି ସୁଖ ଫୁଟିଥିଲା ମୁଖେ ହସ |(0)

ଆଜି ତୁମେ ପୁଣି କେମିତି କହୁଛ ଜାଣେନାହିଁ ଦେଖିନାହିଁ,

କଥାରେ କଥାରେ କିନ୍ତୁ କିନ୍ତୁ କୁହ ସତେକି ଅଚିହ୍ନା ମୁହିଁ |

ତୁମର ଏ' ରୀତି ଦେଖି ମୋ ମନରେ ରହିଗଲା ଅବଶୋଷ |

ଭୋକ ଶୋଷ ଭୁଲି ମୋର ନାମ ଧରି ପିଉଥିଲ ଦିନେ ବିଷ |(1)

ନ ଚିହ୍ନିଲ ନାହିଁ ନ ଜାଣିଲ ନାହିଁ କରିଦିଅ ପଛେ ପର,

କେମିତି ଭୁଲିବି ତୁମରି ସ୍ମୃତିକୁ କହି ତା' ଉତ୍ତର |

ହେବିନାହିଁ କଣ୍ଟା ତୁମ ଚଲାପଥେ ରଖି ମାନ ପଉରୁଷ,

ଭୋକ ଶୋଷ ଭୁଲି ମୋର ନାମ ଧରି ପିଉଥିଲ ଦିନେ ବିଷ |