Library
Profile
କବିତା ପର୍ବ : ଗୀତି-କବିତା-21 : ଡଙ୍ଗା : -ଡକ୍ଟର କୃତ୍ତିବାସ ନାୟକ
କବିତା ପର୍ବ : ଗୀତି-କବିତା-21 : ଡଙ୍ଗା : -ଡକ୍ଟର କୃତ୍ତିବାସ ନାୟକ
1 min
203
ପ୍ରେମଡ଼ଙ୍ଗା ଗଢ଼ି ପତାକା ଉଡ଼େଇ ଲେଖିଦେଲ ମୋର ନାଆଁ,
ସହରେ ବଜାରେ ବାଟରେ ଘାଟରେ ଜଳେ ଅପବାଦ ନିଆଁ |(0)
ଦୁନିଆ କହୁଛି କଳଙ୍କିନୀ ମୁହିଁ ତୁମେ ମୋ ବ୍ୟର୍ଥ ନାୟକ,
ଏ' ସମାଜ ଆଜି ଆମରି ମୁହଁରେ ଲଗାଇ ଦେଲା କଳଙ୍କ |
କହି ପାରୁନାହିଁ ଭଲପାଏ ବୋଲି ମଉନେ ହେଇଛି ଠିଆ |
ପ୍ରେମଡ଼ଙ୍ଗା ଗଢ଼ି ପତାକା ଉଡ଼େଇ ଲେଖିଦେଲ ମୋର ନାଆଁ |(1)
ଲୋଡ଼ାନାହିଁ ମୋର ଏଇ ସମାଜରୁ ପ୍ରଶଂସାର ମାନପତ୍ର,
ସପନ ତୁମର ହେଇଯାଉ ସତ ଗାଇ ପ୍ରେମ ମଧୁମନ୍ତ୍ର |
କହିଦିଅ ଖୋଲି ମୁଁ ତୁମ ପ୍ରେମିକା ଡାକ ଉଚ୍ଚ ସ୍ଵରେ ପ୍ରିୟା,
ପ୍ରେମଡ଼ଙ୍ଗା ଗଢ଼ି ପତାକା ଉଡ଼େଇ ଲେଖିଦେଲ ମୋର ନାଆଁ |
