କବିତା ପର୍ବ : (ଅତିରିକ୍ତ) ବ୍ୟଙ୍ଗକବିତା-73: ଗାଲୁଆ
କବିତା ପର୍ବ : (ଅତିରିକ୍ତ) ବ୍ୟଙ୍ଗକବିତା-73: ଗାଲୁଆ
ଦୁଇଜଣ ସାଙ୍ଗ ଭେଟ ହେଇଗଲେ ଜଣେ ଥିଲା ମହାଗାଲୁଆ,
ବାହାପିଆ କଥା କହିଲା-ଗାଲୁଆ ସାଙ୍ଗ ହେଇଗଲା ଭକୁଆ |
ବାରବାଟୀ ଚାଷ ହେଉଛି ଆମର ତୋଟା ନଡ଼ିଆ କେ ଖାଏ ?
ପାଠରେ ଶାଠରେ ବୁଦ୍ଧିରେ ନାଟର ମୋତେ ବା ପାରିବ କିଏ ?
ଦେଶରେ ସଂସ୍କୃତ ଆଉ କେ କହୁନି ମୁଁ ଯାହା କହୁଛି ଜଣେ,
ଇଂରେଜୀ କହିଲେ ବୁଝି ନ ପାରି ସେ ଆକାଶର ତାରା ଗଣେ |
କେଡ଼େ କେଡ଼େ ନେତା ଆସନ୍ତି ଘରକୁ ତାଙ୍କୁ ମୁଁ ଜିତେଇ ଦିଏ,
ଅଡୁଆରେ ଥିଲେ ଅଫିସରଙ୍କୁ ମୁଁ ଅସଲ ବାଟ ଦେଖାଏ |
ପାଲିଙ୍କିରେ ବସି ମୋ ବାପା ଯାଉଛି ସବାରିରେ ବୋଉ ଯାଏ,
ମାଛରେ ମାଛରେ ପଚିଶ ପ୍ରକାର ନିତି ତରକାରୀ ହୁଏ |
ଚାକର ଵାକର ଘରେ ମାଳମାଳ ଘୋଡ଼ାଗାଡ଼ିରେ ଯାଉଛି,
ଘୋଡ଼ାର ଦେହଟା ଖରାପ ଥିବାରୁ ତୋ ସାଙ୍ଗରେ ଆଜି ଚାଲୁଛି |