କବିତା କଥା

ଆଜିର ଦିବସେ କହିବି କଥାଟି

  ଶୁଣିବୁ ତୁ ଦେଇ ମନ ।

ବାହାରେ ବୁଲି ତୁ କରୋନା ଭୂତାଣୁ

  ଆଣିବୁନି ଗଣ୍ଠିଧନ ।।

ଏ ପର୍ଯ୍ୟନ୍ତ ୟାର ଆୟତ୍ତ ଔଷଧ 

  ମିଳିନି କାହାକୁ ବାବୁ ।

ନିଜେ ସଚେତନ ଦୂୁରେଇ ରହିଣ 

  କିଛି ଦିନ ଚଳିିଯିବୁ ।।

ଆଜିର ବେଦନା କାଲିକି ନଥିବ 

  ରହିଯିବ ଖାଲି କଥା ।

ବାହାର ଦେଶର ଅବସ୍ଥା ଦେଖିଲେ

  ଘୁରିଯାଉ ଥାଏ ମଥା ।।

ପୃଥିବୀରେ ଆମେ ଦ୍ଵିତୀୟ ସ୍ଥାନରେ 

  ଲୋକ ସଂଖ୍ୟା ପାଇଁ ଜଣା ।

ଏମାନଙ୍କ ମଧ୍ୟେ ଭୂତାଣୁବ୍ୟାପିଲେ

  ହେବାନି କି ବାଟବଣା ?

କଅଣ ଖାଇବୁ କଅଣ ପିନ୍ଧିବୁ 

  ତୋ କଥା ତୁ ଜଗିବୁ ।

ପରିବାର ସାଥେ ମିଳିମିଶି ରହି

  ଦେଶ କାମେ ଲାଗି ଥିବୁ ।।

ଯୁଗେ ଯୁଗେ ଆମେ ଗରିୟାନ ଅଛୁ 

  ସୁନ୍ଦର ଚଳଣି ପାଇଁ ।

ସଭିଙ୍କୁ ସୁନ୍ଦର ଆମରି ଦୁନିଆ 

  ଏକତା ସ୍ୱଚ୍ଛତା ଭୂଇଁ ।।