କବିତା ଆଳାପ-08 : ଶିଶୁ :
କବିତା ଆଳାପ-08 : ଶିଶୁ :
ଶୁଭ ସକାଳର ଅରୁଣ ଆମେରେ- କୋଟିସୂର୍ଯ୍ୟ ଆଭା ଭରା,
ଆମରି ପରଶେ ଦୁନିଆଟି ହସେ ଫିଟାଇ ଅମୃତ ଧାରା |(ଘୋଷା)
ଛୁଇଁନି ଆମକୁ ପାପପଙ୍କ ମାୟା,
ଆମ ମୁଖେନାହିଁ କାଳିମାର ଛାୟା |
ଆମ ଶିଶୁମନ କୁସୁମ ସମାନ ହସ ପୁଣି ମଧୁଝରା |
ଶୁଭ ସକାଳର ଅରୁଣ ଆମେରେ-କୋଟି ସୂର୍ଯ୍ୟ ଆଭା ଭରା |(1)
ଆମେ ରୁପାଜହ୍ନ ପୂନେଇଁ ରାତିର,
ଗଭୀର ଜଳରେ ରତନ ଭଣ୍ଡାର |
ଆକାଶ ରାଇଜେ ଆମେ ଶିଶୁ ଯେତେ ଉଜ୍ଜ୍ୱଳ ପାହାନ୍ତି ତାରା |
ଶୁଭ ସକାଳର ଅରୁଣ ଆମେରେ- କୋଟି ସୂର୍ଯ୍ୟ ଆଭା ଭରା |(2)
ଆମ ମନେନାହିଁ ପର ଆପଣାର,
ଆମ ପାଇଁ ବିଶ୍ୱ ଏକ ପରିବାର |
ଶାନ୍ତିର ଦୂତ ସତ୍ୟର ପୂଜାରୀ ସାଜି ସଜାଇବୁ ଧରା |
ଶୁଭ ସକାଳର ଅରୁଣ ଆମେରେ- କୋଟି ସୂର୍ଯ୍ୟ ଆଭା ଭରା |(3)